Njerëzit e shëndetshëm pa sëmundje të rënda shoqëruese kronike, pa manifestime klinike për momentin dhe mbi 16-18 vjeç duhet të vaksinohen kundër Covid-19. Kjo rekomandohet në një deklaratë të Akademisë Bullgare të Shkencave për fushatën e ardhshme të vaksinimit kundër koronavirusit, dërguar mediave.

Para imunizimit, këshillimi me mjekun personal është i detyrueshëm, theksojnë shkencëtarët. Sipas tyre, të dhënat e deritanishme tregojnë se imuniteti kolektiv kundër virusit krijohet ngadalë dhe do të jetë e vështirë të arrihet natyrshëm.

Efikasiteti i vaksinave dhe kohëzgjatja e imunitetit që ata krijojnë do të bëhen të qarta jo më herët se një vit nga fillimi i aplikimit të tyre, kur do të ketë mjaft të dhëna shkencore bindëse, theksojnë nga Akademia Bullgare e Shkencave.