Sofja është një qytet i privilegjuar nga pikëpamja e turizmit. Në krahinat përreth mund të shëtisni ndër natyrën e ruajtur të disa maleve, të vizitoni liqene piktoreske, kështjella mesjetare dhe arkitekturë nga përpara 200 vitesh. Radio Bullgaria ju rekomandon të vizitoni pesë vende të shenjta afër Sofjes:
Manastiri i Kremikovcit “Shën Gjergji Fitimprurësi”
Manastiri ndodhet buzë malit Stara Pllanina, rreth gjysmë orë larg qendrës së Sofjes, po të udhëtoni me veturë. Banesat e bukura, dy tempujt e restauruar, lulet dhe pastërtia – këto janë përshtypjet e para nga manastiri. Sipas legjendës ai është ndërtuar nga një nga mbretërit e fundit bullgarë – Ivan Aleksandër, që gjatë shekullit të XIV.
Në oborr ka një vend special, ku rriten lepuj dhe pallonj. Ka dhe një dyqan të vogël, ku përveç sendeve të zakonshme kishtare ofrohen produkte të fermës lokale - mjaltë, lëng prej shtogu, sapun prej dylli aromatik dhe reçel shtëpie. Më shumë hollësi për manastirin mund të lexoni KËTU.
Manastiri “Kozma dhe Damjan”
Gjendet rreth 60 km. larg Sofjes. Ka mbijetuar për mrekulli gjatë sulmeve osmane deri në shekullin e 18-të, kur u shkatërrua krejtësisht nga turqit, por u rindërtua një shekull më vonë. Në ditët e sotme manastiri është aktiv dhe mirëpret qindra mysafirë gjatë pushimeve. Po të ketë dëshirë vizituesi mund të qëndrojë në qelizat e manastirit. Ushqimi dhe akomodimi janë falas, por nëse vendosni të qëndroni më gjatë, do t'ju duhet të punoni shumë në fermën e manastirit.
Manastiri i Klisurës “Shën Petka Paraskeva” afër qytetit Bankja
Gjendet rreth gjysmë orë larg Sofjes, po të udhëtoni me veturë, afër qytetit Bankja. Përshtypje të madhe bëjnë pikturat e bukura të portave të manastirit. Manastiri është pikturuar shumë bukur edhe brenda, edhe jashtë. Është themeluar gjatë shekullit të XIII, kur në këto troje ka kaluar një procesion i madh me lipsanat e Shën Petkës Bullgare.
Manastiri i Lozenecit “Shën Spas”
Supozohet se është themeluar në shekullin e XIII-të si pjesë e Malit të Shenjtë të Vogël të Sofjes. "Shën Spas" është shkatërruar dy herë nga turqit dhe çdo herë është ringjallur si një feniks nga hiri. Pamja e tij e sotme është nga fundi i shekullit të XIX. Që nga kjo kohë janë afresket unike të shenjtorëve dhe figurave historike. Nga oborri shtrihet një pamje e bukur drejt fushës së Sofjes dhe kryeqytetit të zhytur më mjegull.
Manastiri Razboishki “Hyrja e Shën Mërisë në Tempull”
Një destinacion i shkëlqyer për shëtitje afër Sofjes, i cili gërsheton natyrën e paprekur me historinë. Rreth 70 km. larg kaosit të kryeqytetit do të gjendeni në një oazë të vërtetë të natyrës. Para jush si një mirazh do të shfaqet një pamje e paharrueshme: një kishë e vogël e bardhë në shkëmbinjtë lart mbi lumin Nishava, ndërsa poshtë do të shihni banesat dhe godinat ekonomike të manastirit.
Kisha është një nga dy tempujt e vetëm shkëmborë aktivë në Bullgari dhe historia e saj shekullore është plot peripeci.
Pse manastiri quhet "Razboishki", kush e menaxhon atë dhe në çfarë gjendje janë afresket e tij unike, këtë mund ta mësoni në video:
Për të ndjekur historinë e reporteres sonë, mund t’i rregulloni titrat për përkthim automatik në You Tube.
Përgatiti në shqip: Vesella Mançeva
Foto: Veneta Nikollova
Me përgatitjen e 1500 akulloreve me shurup qershie mbrëmjen e sotme në sheshin “Velbëzhd” në Kjustendill , nis Festivali i Qershisë . Programi do të zgjasë tre ditë, njoftoi korrespondenti i BNR në qytet Kirill Falin. Posaqërisht për..
Nga data 27 deri më 29 qershor, Sofja do të jetë kryeqyteti ballkanik i verërave. Edicioni i 13-të i Festivalit Ballkanik të Verës do të mirëpresë mysafirët në qytezën speciale të verërave përballë Pallatit Kombëtar të Kulturës (NDK). Vizitorët do..
A mund ta njihni Bullgarinë nga pamja e shpendëve, pa ndihmën e një droni apo avioni? Përgjigja është po, për këtë janë platformat panoramike. Ato janë ndërtuar lart në qiell dhe zbulojnë pamje mahnitëse të grykave, majave të mbuluara me..
Festivali i kosit - kultura dhe traditat '2024 fillon sot në fshatin Momçillovci , rrethi i Smoljanit, në malin e Rodopeve . Festa, e cila..