Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Si një kultivues i rrushit nga Varna ringjalli verën e vërtetë të trakëve

Foto: arkiv personal

Trakasit kanë pëlqyer të pinë verë të trashë me aromë frute të spikatur fortë dhe shije të pasme të largët....të dyllit të bletës. Një kantinë vere në qytetin Varna propozon një udhëtim në kohë përmes një varieteti të ringjallur të rrushit nga koha e .....”Iliadës” së Homerit.

Kjo nuk është një shaka apo një marifet i lirë për reklamë, por fryt të një vargu prej studimeve arkeologjike dhe kimike dhe eksperimenteve, të cilat kanë zgjatur më shumë se 14 vjet. Vreshtari nga Varna Atanas Karageorgiev  tanimë ka patentuar përpunimin e vet dhe para pak kohe ka lëshuar në mënyrë eksperimentale në treg butilet e para me verë, të cilat kanë vulosur një histori afro 3000 vjeçare.

Çdo gjë fillon pak si me shaka. Gjatë kohës së një shëtitje në tempullin e lashtë trakas Tatull në Rodopet, Karageorgiev, bashkë me shokun e tij Pevell Petkov /ish drejtor i Muzeut Historik të qytetit Kërxhali/ ndeshen me një kërcell të çuditshëm e të vogël me tufa rrushi të kuq. Shokët vendosin ta dërgojnë në Institutin Agrar-biologjik në Sofje për testimin e ADN-së. Rezultatet janë marramendëse dhe ripohojnë supozimin se varieteti  është me një prejardhje shumë të lashtë, tipik për kushtet nëpër trojet tona që përpara 3000 viteve. Pas peripecive të shumta, Karageorgiev mundet të arrijë shumëzimin e hardhisë së egër dhe të mbjellë 50 dynym  nga varieteti antik sipas teknologjive të vjetra. Ndërkohë aplikon me projekt përpara Fondit “Bujqësi”, por nuk mundet të paguajë në kohë garancinë bankare dhe zyrtarët refuzojnë projektin e tij me vlerë 105 mijë leva.

“Pavarësisht nga të gjitha varieteti është konkurrues, është rezistues ndaj sëmundjeve dhe dëmtuesve dhe jep një rendiment shumë të mirë. Vera është diçka mesatare midis varieteteve Gëmza dhe Mavrud, por kjo është normale sepse, në ngjashmëri me to, dhe ky është një varietet i lashtë bullgar. Ka një aromë të ngjeshur fryti të vishnjës, qershisë, me një shije të mëpasshme të këndshme dhe jep 22-24 gradë të sheqerit. Kështu që ky është një varietet i hirshëm, të cilin unë do të vazhdojë ta shpërndajë dhe ta shumojë” - është kategorik zoti Karageorgiev.  

Trakët kanë pasur lavdinë e disa prej prodhuesve më të mirë të verës në lashtësi. Prandaj sipërmarrësi i Varnës viziton objekte arkeologjike nëpër të gjithë vendin, konsultohet me studiues dhe me hollësi studion teknologjitë e vjetra trakase. Për këtë qëllim vera e tij staxhionohet në kavanoza terakote.  

“Në të njëjtën mënyrë kavanozat janë të groposur në tokë dhe në të rrushi bërë pure me tufat dhe bishtat e nxjerra, vendoset të fermentojë dhe nuk trazohet deri në muajin shkurt - tregon ai. Nëse duhet krejtësisht të respektohet teknologjia, e cila ne supozojmë se ka qenë përpara 3000 vjetëve, më se e mundur është që kavanozat të kenë qenë të vulosur me dyllë blete. Sepse, nëse kavanozi nuk është mjaft i trashë, ai luan rolin e një filtri prej qeramike dhe e lëshon lëngun. Prandaj unë i vulos me dyllë blete, që e shton shijen frutore me një shije të mëpasshme të dyllit të bletës”.

Përgatiti në shqip: Nataniela Vasileva

Foto: arkiv personal, BGNES




Последвайте ни и в Google News Showcase, за да научите най-важното от деня!

Më shumë nga rubrika

Drejtori i Përgjithshëm i BNR-së Milen Mitev

Radioja Kombëtare Bullgare do të organizojë Konferencën Vjetore Ndërkombëtare të Mediave Publike

Radioja Kombëtare Bullgare (BNR) do të organizojë Konferencën Vjetore Ndërkombëtare të Mediave Publike. Forumi prestigjioz do të mbahet për herë të parë në Sofje nga 20 deri më 22 tetor me pjesëmarrjen e transmetuesve publikë nga 24 vende në pesë..

botuar më 25-10-17 5.14.MD
Anita Ekenova

Anita Ekenova: Bullgaria është atdheu i shpirtit tim, Franca – vendi ku jetoj

Anita Ekenova nga Lioni u shpall “Bullgarja e Vitit – Shën Zllata Mëglenska” për vitin 2024 në një ceremoni të veçantë të organizuar në Sofje nga Agjencia Ekzekutive për Bullgarët Jashtë Vendit. Para 10 vitesh, Anita së bashku me grupin folklorik që..

botuar më 25-10-17 7.35.PD

Presidenti i dha një urdhër studiuesit më të famshëm të gjuhës bullgare në Kinë, Profesor Ma Sipu

Në emër të Kreut të Shtetit Rumen Radev, Zëvendëspresidentja Ilijana Jotova i dorëzoi Profesor Ma Sipu Urdhrin e Shën Kirilit dhe Metodit, shkallë të parë, njoftoi zyra e shtypit e Kreut të Shtetit. Çmimi u dha në një ceremoni zyrtare në..

botuar më 25-10-16 9.38.PD