Angjell Rajçev, nxënës në Shkollën e Mesme “Bojan Penev” në kryeqytet mbrojti teoremën e tij, me të cilën qe zgjedhur nga Instituti i Matematikës dhe Informatikës pranë Akademisë Bullgare të Shkencave për të marrë pjesë në shkollën prestigjioze kërkimore verore për nxënës në Shtetet e Bashkuara /RSI/.

Angjell Rajçev i ka bërë një përshtypje të madhe jurisë nga Akademia Bullgare e Shkencave me projektin  “L-polimino”. Vet ai pohon se gjithmonë ka pëlqyer më shumë numrat sesa shkronjat, kurse seriozisht me matematikë  merret që nga klasa e tretë. Kuota për pjesëmarrës nga Bullgaria në shkollën kërkimore verore për nxënës në Shtetet e Bashkuara është vetëm për dy veta - një në matematikë dhe një në informatikë, kurse kandidatët dhe sivjet kanë qenë dhjetëra. Arsimimi i matematikanëve të dalluar nga e gjithë bota, të cilët do të punojnë mbi projekte nën drejtimin e shkencëtarëve të njohur, do të realizohet gjatë verës në Boston dhe do të zgjasë gjashtë javë.

Përpiloi: Vesella Krësteva

Përgatiti në shqip: Nataniela Vasileva