Me 53 për qind u rrit vdekshmëria nga koronavirusi në krahasim me javën e kaluar, njoftoi në brifingun e rregullt për përhapjen e koronaviruisit gjenerali Vencislla Mutafçijski, udhëheqës i Shtabit Operativ Kombëtar. Që prej dy javëve shihet një rritje eksponenciale e rasteve dhe tani 395 veta në çdo 100 mijë janë me Covid-19, gjë që do të thotë rritje me 38 për qind.
Numri i të sëmurëve që trajtohen në spital u rrit me 12 për qind për shtatë ditët e fundit dhe tashmë ka spitale me kapacitet të sosur. Në Akademinë Ushtarako-mjekësore në Sofje për shembull këtë mëngjes kishte vetëm 5 shtretër të lirë, shtoi udhëheqësi i Shtabit Operativ Kombëtar. Ai paralajmëroi se “gjërat nuk po shkojnë në drejtimin e duhur” dhe duhet të ndërmerren masa sepse shtretërit e lirë në spitalet po mbarojnë dhe shumë njerëz do të mbeten pa trajtim. 58 për qind e shtretërve për pacientët e pakomplikuar aktualisht janë të zëna dhe 65 për qind për njerëzit në njësitë e kujdesit intensiv.
“Kur shoqëria jetë e gatshme të besojë në masat antiepidemike dhe t’i respektojë ato, ato do të merren”, tha Ministri i Shëndetësisë Prof. Kostadin Angellov në përgjigje të pyetjes pse nuk ndërmerren veprime më të rrepta në nivelin kombëtar duke marrë parasysh rritjen e shpejtë të numrit të të infektuarve dhe të vdekurve. Sipas tij, nuk ka asnjë mënyrë për të aplikuar masa kur njerëzit nuk besojnë në to. “Ne nuk vonojmë me vendosjen e tyre, nëse është e nevojshme, ato do të merren”, shtoi ministri, duke theksuar se shoqëria jonë nuk është e gatshme për një bllokim të plotë.
Sa i përket dërgesës së bllokuar të vaksinës Astra Zeneca në Austri për shkak të dy rasteve të komplikimeve të rënda pas imunizimit, vaksinë kjo e cila përdoret gjithashtu në vendin tonë, Agjencia Evropiane e Barnave nuk rekomandon ndalimin e saj. Nuk u gjet asnjë lidhje shkakësore midis vaksinimit dhe gjendjes të dy personave, informoi Bogdan Kirillov, drejtor i Agjencisë Ekzekutive për Barnat. Në vendin tonë u përdorën pothuajse të gjitha 31 200 dozat e dërgesës, por nuk ka shqetësim për sigurinë e të vaksinuarve, shtoi ai.
Jo të gjithë anëtarët e komisioneve zgjedhore janë të vaksinuar - sipas planit, kjo duhet të kishte ndodhur deri më 5 mars, tha ministri i shëndetësisë. Ai shtoi se dy doza të vaksinës janë të rezervuara për secilin prej tyre. Gjithashtu u bë e qartë në brifing që më 12 mars do të marrim 31 200 doza të vaksinës Astra Zenaca dhe më 15 mars – 21 060 të preparatit Pfizer/Biontech. Aktualisht, shteti ynë renditet në vendin e 16-të për nga numri i pacientëve me koronavirus në Bashkimin Evropian dhe i 5-ti në Ballkan.
Përgatiti në shqip: Svetllana Dimitrova
Në Patagoninë argjentinase, në fundin e botës, qyteti Komodoro Rivadavia ruan historinë e kolonistëve bullgarë, pasardhësit e të cilëve edhe sot e kësaj dite e mbajnë Bullgarinë në zemrat e tyre. Ndër ta është Cenka Genova, me origjinë nga Trojani, e cila..
17 tetori 2025 do të hyjë në histori si data në të cilën Ministri i Kulturës i Hungarisë paraqiti dokumentin që regjistron zyrtarisht Traditën e Kopshtarisë Bullgare në Hungari në Regjistrin e Trashëgimisë Kulturore Jomateriale të UNESCO-s. Ky..
Sofja po pret finalen e ER Champ 2025 – gara më e madhe ndërkombëtare e dhomave escape në botë. Eventi, më 19 dhe 20 tetor, do të përfshijë dymbëdhjetë ekipe nga e gjithë bota, të cilat arritën të zënë një vend të denjë midis më të mirave pas një..
Për të tretin vit rradhazi, dhe për herë të dytë brenda dy muajve të fundit, një grup mjekësh bullgarë vizitoi Pustecin e Korçës për të ofruar shërbime..
Në orën 04:00 me orën e Bullgarisë, më 26 tetor 2025, duhet të kthejmë akrepat e orës një orë pas. Kjo do të thotë një orë më shumë gjumë, por ajo nuk..
Mbrëmjet e freskëta të vjeshtës na japin një arsye për t’u zhytur në atmosferën e ngrohtë të restoranteve të Sofjes dhe për të provuar shije të reja, të..