Fushata e parë për nga lloji i vet arsimore “Pylli dhe ndryshimet klimatike” me pjesëmarrjen e ekspertëve në pedagogjinë pyjore do të zhvillohet në territorin e Ndërmarrjes së Pyjeve Shtetërore Jugperëndimore. Ekspertët e pyjeve i njohin fëmijët me ndryshimet në klimë, me punën e pylltarëve, si dhe me llojet e ndryshme të pemëve dhe kafshëve të pyllit.

Fushata është një iniciativë e përbashkët e Shoqatës “Goriçka” e tenistes së njohur Magdalena Maleeva dhe te Bashkimit të Pylltarëve në Bullgari. Në pavijonin e lëvizshëm “Goriçka  v Koliçka” /”Pylli në karrocë”/ , të pajisur me dhjetëra lojëra, materiale arsimore për pyjet dhe instrumente për pyllëzim, nxënësit nga klasa e parë deri në klasën e katërt do të fitojnë “në terren” dije të reja.

Pritet që më shumë se 1000 fëmijë, në mbi 50 shkolla, të afrohen dhe t’i bashkohen kauzës dhe përpjekjeve të pylltarëve për ruajtjen e pyjeve dhe përshtatjen e tyre ndaj ndryshimeve klimatike.  

Përpiloi: Darina Grigorova

Përgatiti në shqip: Nataniela Vasileva