Qendrat kryesore ekonomike tërheqin më shumë krah pune. Kjo është si pasojë nga vendet më të mira të punës, të cilat ofrojnë një mundësi më të mirë për realizim, tregon një analizë e Institutit për Ekonominë e Tregut.
Numri i të punësuarve në vend mbetet relativisht i përhershëm. Të dhënat e fundit për të punësuarit në Bullgari janë nga viti përpara pandemisë - mbi 2,3 milionë veta. Më tepër janë ata në Sofje - 760 veta. Pasojnë Plovdiv (145 mijë) dhe Varna (129 mijë), saktësoi Adrian Nikollov nga Instituti për Ekonominë e Tregut:
“Qyteti i madh sikurse me më shumë sukses arrin të japë më tepër mundësi për një profil më të gjerë të njerëzve - nga më mirë të arsimuarit deri te të arsimuarit më dobët, me specializim në drejtime të ndryshme të ekonomisë. Me një rëndësi në këtë rast janë pagimi dhe standardi i jetesës. Meqenëse qytetet më të mëdha kanë tregje më konkurruese të punës, përkatësisht aty dhe rrogat janë më të larta.”
Pjesa relative e punonjësve është një shenjë e aktivitetit dhe dinamizmit të tregjeve lokale të punës. Në 253 nga bashkitë në vend pesha e të punësuarve është më pak se 50% e popullsisë së moshës 15 vjeç e lart. Statistika tregon po kështu se më shumë se gjysma e bashkive humbasin krahun e punës midis viteve 2018 dhe 2019.
Pasojat nga pandemia gjatë vitit 2020 mbase do të sjellin me vete dhe ndryshime të konsiderueshme në hartën regjionale të të punësuarve. Rritja e papunësisë, dëshmitarë të së cilës qemë në mes të pandemisë, ishte përqendruar në qendrat e mëdha ekonomike dhe në bashkitë më të vogla, ku turizmi është sektori kryesor ekonomik. Pas heqjes në etapa të masave kufizuese pas Covid-19, më të kërkuar në tregun e punës janë punonjësit me një kualifikim të ulët:
“Ka shpallje të shumta për kërkimin e kuzhinierëve, kameriereve, shoferëve dhe të profesioneve të tjera të ngjashme. Ky është faktori i madh, i cili në këtë moment e lëviz dinamikën në tregun e punës”, sqaroi analisti ekonomik Andrian Nikollov.
Autore: Natalia Gançovska, BNR-“Horizont”
Përgatiti në shqip: Nataniela Vasileva
Foto: BGNES
Një nga kompanitë më të mëdha të riparimit të avionëve në aviacionin civil ka zgjedhur Burgasin për një investim në shkallë të gjerë në riparimin dhe mirëmbajtjen e avionëve, njoftoi Bashkia e Burgasit. Në 74 hektarë në zonën e Aeroportit të Burgasit,..
Paga mesatare më e lartë në Bullgari është në qytetin e Sofjes - 3388 leva /1732 euro/, dhe më e ulëta është në Smoljan - 1617 leva /826 euro/. Kështu tregojnë të dhënat e Institutit Kombëtar të Statistikave për muajin dhjetor 2024. Për shkak të pagave në..
94% e punëtorëve në Bullgari nuk janë të kënaqur me shumën e pagës së tyre. Këtë e tregon një anketë e sindikatës “Podkrepa” për shpërblimin e punës në vend, 91 për qind e të anketuarve në sondazhin përfaqësues kanë treguar se marrin të ardhura neto prej më..
Reshje shiu/dëbore
Reshje
Dëborë 
Shi bore