Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Reagimet e para pas shpalljes së kandidaturës së Pllamen Nikollovit për kryeministër

Pllamen Nikollov
Foto: BGNES

Partia “Ka një popull të tillë” - ITN do të kërkojë mbështetje për projekt-kabinetin e saj me Kryeministrin Pllamen Nikollov nga “Bullgaria Demokratike” dhe “Ngrihu.bg! Ne po vijmë!”. Kryetari i grupit më të madh parlamentar, Toshko Jordanov, tha se shumica e përparësive të partisë përputhen me temat kryesore për të dy partitë e protestës dhe disa prej tyre me përparësitë e BSP.

“Do të vendosim nëse do të mbështesim projekt - kabinetin vetëm pasi të shohim stafin e Këshillit të Ministrave”, tha Halil Letifov, nënkryetar i Lëvizjes për të Drejtat dhe Liritë (DPS).

“Nuk mund të flas për një person me aktivitetin e të cilit jam njohur dobët, më mbetet një përshtypje e mirë e biografisë së tij”, komentoi Arman Babikjan nga “Ngrihu.bg! Ne po vijmë!” për BNR kandidaturën e Pllamen Nikollov për Kryeministër. Deputeti Nikollaj Haxhigenov tha se “Ngrihu.bg! Ne po vijmë!” do të mbështesë formimin e një kabineti, por në kushte për politika konkrete.

“Ne nuk jemi të befasuar nga kjo kandidaturë, përderisa partia fituese ka të drejtë të tregojë kandidatin e saj për kryeministër”, tha Kristian Vigenin nga BSP për BNR. Socialistët po diskutojnë mundësinë që javën e ardhshme të ftojnë kryeministrin e propozuar në një takim me grupin parlamentar.

“Të nominohet kryeministër një person që nuk ka profil të qartë politik, nuk ka pozicion politik, kjo nuk është anti sistemit, kjo shkon përtej ... Kjo nuk ka të bëjë me pretendimet për emra që duhet të tregojmë, por të ketë koordinim. Po filloj të mendoj nëse negociatat po mbahen me parti të tjera”, komentoi Borisllav Sandov nga Bullgaria Demokratike në një intervistë për BNR “Horizont”.

“Emërimi i një kandidati për Kryeministër të Bullgarisë në momentin e fundit është një akt politik joserioz”, theksuan nga partia GERB në një pozicion me shkrim për BNR. Sipas saj, veprime të tilla janë një shenjë e paaftësisë kategorike të “Ka një popull të tillë” për të mbajtur përgjegjësi.




Последвайте ни и в Google News Showcase, за да научите най-важното от деня!

Më shumë nga rubrika

Kryeministri bullgar Rosen Zheljazkov

Kryeministri bullgar përgëzoi kancelarin e sapozgjedhur gjerman

Me përpjekje të koordinuara, ne vazhdojmë të punojmë për unitetin dhe prosperitetin e kontinentit evropian, thuhet në mesazhin e urimit të Kryeministrit Rosen Zheljazkov drejtuar Kancelarit të ri gjerman Friedrich Merz. Në urimin drejtuar..

botuar më 25-05-07 10.20.PD

Në Prishtinë, Zëvendëspresidentja Ilijana Jotova uroi ushtarakët bullgarë në Kosovë me rastin e 6 majit

Zëvendëspresidentja Ilijana Jotova uroi kontingjentin ushtarak bullgar nga misioni paqeruajtës i NATO-s në Kosovë (KFOR) me rastin e Ditës së Trimërisë dhe festës së Ushtrisë Bullgare. Ajo mori pjesë në një ceremoni zyrtare në Prishtinë...

botuar më 25-05-06 5.59.MD

Në Shkup, flamuri kombëtar bullgar u gris nga kurorat para varrit të Goce Dellçevit

Në Shkup, u fye flamuri trengjyrësh bullgar. Shiritat u grisën nga kurorat e vendosura në varrin e revolucionarit bullgar dhe luftëtarit për lirinë e rajonit gjeografik të Maqedonisë, Goce Dellçev. Sulmi ndodhi në oborrin e manastirit "Shën Spas" në..

botuar më 25-05-05 9.12.PD