Kandidati për kryeministër i ITN Pllamen Nikollov shpalli emrat e kandidatëve për ministra në projekt kabinetin. Petër Iliev, emri i të cilit përmendej për kryeministër të partisë së showmanit Sllavi Trifonov, por më vonë u propozua Nikollaj Vasilev, u propozua për ministër të brendshëm. Më vonë kandidatura e tij u tërhoq. Ndër kandidatët e tjerë janë: Ministër i Shëndetësisë - Sillvi Kirillov, i cili ka drejtuar disa nga spitalet më të mëdha në Bullgari; Ministër i Punëve të Jashtme - diplomati Radi Najdenov: Ministër i Punëve të Jashtme në vitin 2017 në kabinetin e Ognjan Gerxhikovit; Ministër i Financave - Pllamen Danaillov, me përvojë në pozita të larta drejtuese në kompani të mëdha ndërkombëtare; Ministër i Energjetikës - Aleksandër Nikollov, aktualisht zëvendësministër i Energjetikës në detyrë; Ministër i Mbrojtjes - Teodora Gençovska, e cila kaloi nëpër të gjitha nivelet në Ministrinë e Mbrojtjes duke arritur poston e shefes në departamentin "NATO dhe BE".