Në sheshin “Sëedinenie” (Bashkim) në qytetin Plovdiv është ngritur një monument mbresëlënës , që të kujtojë ngjarjet historike të vitit 1885, kur Bullgaria arriti të ribashkojë dy gjysmat e saj – Rumelinë Lindore dhe Principatën e Bullgarisë.
Monumenti i Bashkimit në qytet u ngrit një shekull pas ngjarjes së rëndësishme. Vend qendror në kompozicionin 12 metrash skulpturor zë figura e një gruaje të re që mban një kurorë dafine mbi kokën e saj. Nga të dy anët janë përhapur në mënyrë madhështore krahët e një zogu, një simbol i synimit të bullgarëve ndaj unitetit dhe lirisë së të dy pjesëve të ndara të atdheut në vitet nga Çlirimi (1878) deri në 1885. Kurora është simbol i fitores së arritur. Skulptura është vepër e krijuesit të njohur me veprat e tij monumentale Veliçko Minekov. Deri në të na çon bulevardi më i gjatë në qytet “Gjashtë Shtatori”.
Në Sheshin “Sëedinenie” është edhe godina e ndërtuar për Kuvendin Rajonal të Rumelisë Lindore, e cila nuk arriti të përmbush funksionet e saj. Në të sot është një nga katër ekspozitat e Muzeut Historik Rajonal – “Bashkimi i Bullgarisë 1885”. Cilat janë eksponatet më të çmueshme në të do të mësoni nga botimi “Qyteti Plovdiv ruan kujtimin për ditën e lavdishme të Bashkimit në një ekspozitë të posaçme” nga koleksioni i Radio Bullgarisë
Përpilues: Elena Karkallanova
Përgatiti në shqip: Svetllana Dimitrova
Nënpresidentja Ilijana Jotova iu bashkua procesionit, i cili nderoi kujtimin e luftëtarëve të lirisë nga Perushica me rastin e 148 vjetorit të Kryengritjes së Prillit. Procesioni përfundoi në kishën “Shën Kryeengjëlli Mihaill”. Në fjalinë e rastit..
Në ditën e dytë pas Pashkëve, fillon Java e Ndritshme - e quajtur kështu sepse Ringjallja e Jezu Krishtit simbolizon ndriçimin. Në të, Kisha Ortodokse lavdëron Apostujt e Shenjtë dhe Nënën e Shenjtë të Zotit. Këto shtatë ditë sjellin ndriçim dhe..
Kisha Ortodokse Bullgare nderon sot Shën Gjergjin Fitimtar - një nga martirët e parë për besimin. Ai jetoi në kohën e perandorit romak Dioklecian dhe iu bashkua ushtrisë si adoleshent. Vetëm 20 vjeç u bë anëtar i këshillit shtetëror. Kur..