Dreri /kaprolli/ është një nga kafshët më të bukura malore në vendin tonë dhe gëzon një nderim të veçantë në folklorin tonë. Kur Zoti ka për t’u thënë diçka njerëzve, ai dërgon një nga engjëjt e tij ose ndonjë nga shenjtorët, duke e transformuar në dre. Në këngët dhe legjendat popullore, dreri i dërguar nga Zoti, ka një diell në ballin e tij, në kraharor ka një hënë, kurse brirët e tij janë prej një ari të kulluar.
Janë regjistruar histori shumë çuditëse për tufa me sorkadhe, të paraprirë nga kaprolli, të cilët janë përzier me kopetë, të nxjerra për të kullotur. Besohet se paraqitja e kaprollit i mbron njerëzit dhe kafshët nga shpirtrat e këqij të pyjeve. Ekziston një besim se kaprolli shkon vetëm në atë oborr, në të cilin njerëzit janë të mirë dhe nuk afrojnë dhe nuk prekin asgjë të huaj. Dikur kanë besuar se kafsha mbretërore është ndërmjetës midis botës së sipërme dhe asaj të poshtme. Dhe po kështu - një mik i krijesave mitike të pyllit. Në përrallat dhe këngët popullore zanat fluturojnë mbi gremina ose ngrihen lart në qiell, të ulura mbi një kaproll me gjashtë krahë me gjarpërinj në vend të frenave.
Përse bukuroshi i pyllit lidhet me simbolikën e diellit dhe akoma hollësi interesante, mund të mësoni nga publikimi i Radio Bullgarisë “Pamja mitike e kaprollit në folklorin bullgar”.
Do të dëgjoni dhe këngë karakteristike popullore.
Redaktore: Allbena Bezovska
Përgatiti në shqip: Nataniela Vasileva
Që prej vitit 1980, bota e feston 27 shtatorin si Ditën Botërore të Turizmit.Ajo shoqërohet me përvjetorin e miratimit të statutit të Organizatës Botërore të Turizmit në vitin 1970. Një numër vendbanimesh bullgare organizojnë ngjarje të veçanta,..
Falë kristianizimit, shkrimit dhe gjuhës, populli bullgar dhe Bullgaria mbetën në kujtesën e Evropës edhe atëherë kur shteti bullgar zhdukej për shekuj të tërë nga harta politike e Kontinentit të Vjetër. Pagëzimi dhe krijimi i shkrimit bullgar kanë..
Mbrëmjen e 22 shtatorit filloi Viti i Ri Hebraik – Rosh Hashana. Sipas kronologjisë së Torës, nisi viti 5786 nga krijimi i botës. Sipas besimit hebraik, në këtë ditë Zoti krijoi njeriun e parë, Adamin. Sipas traditës hebraike, në dhjetë ditët që..