Të ndalohet financimi për mediat përmes programeve operative të BE-së dhe ato të aplikojnë drejtpërdrejt në Komisionin Evropian. Kjo u sugjerua nga eurodeputeti Radan Kënev në prezantimin e raportit “Dora e padukshme e censurës në Ballkan” në Bruksel.

“Programet operative janë nën kontrollin e pushtetit ekzekutiv dhe është më se e qartë se në këtë mënyrë blihet ndikimi politik në media”, tha Kënev për BNR. “Kontratat që autoritetet qendrore dhe vendore lidhin me mediat për reklamimin e fondeve të BE-së përmbajnë një klauzolë për pasqyrim pozitiv, d.m.th. ajo për të cilën Sebastian Kurz dha dorëheqjen disa ditë më parë në Austri është një praktikë e përhapur në Bullgari”, theksoi eurodeputeti.