Deri në orën 11:00 nuk ka sinjale për shkelje të rënda të procesit zgjedhor, njoftoi Ministri i Brendshëm Bojko Rashkov. Disa mijëra policë janë të përfshirë në ruajtjen e seksioneve dhe do të monitorojnë rendin në të gjithë vendin.

Edhe në këto zgjedhje prokuroria dhe Ministria e Brendshme do të punojnë paralelisht. Në Prokurorinë e Lartë të Kasacionit do të punojë një njësi detyrë që do të përmbledhë informacionin për krimet dhe shkeljet e procesit zgjedhor. Qytetarët dhe organizatat joqeveritare do të mund të dërgojnë sinjale në adresat elektronike të prokurorive në vend. Nga fillimi i fushatës zgjedhore deri më tani u ngritën 658 dosje. Për shkak të mungesës së të dhënave të mbledhura nga Ministria e Brendshme për krimet zgjedhore, prokuroria nuk pranoi të niste gjithsej 371 procedime paraprake.

Ashtu si në zgjedhjet e mëparshme të parakohshme parlamentare, do të funksionojë Shtabi i posaçëm Zgjedhor Ndërinstitucional, i cili do të përfshijë vetëm përfaqësues të prokurorisë dhe Agjencisë Shtetërore të Sigurimit Kombëtar.