Katër persona të tjerë, të cilët u lënduan në aksidentin me autobusin maqedonas në autostradën Struma një javë më parë, kanë dalë sot nga Spitali i Urgjencës " Pirogov" në Sofje. Ata janë marrë nga autoambulanca maqedonase dhe serbe, të cilat duhet t'i kthejnë në vendlindje. Njëra prej viktimave mbetet për observim në klinikën e neurokirurgjisë “Pirogov”.

Gjithsej 45 pasagjerë vdiqën nga flakët dhe 7 të tjerë u plagosën dhe u dërguan në Spitalin e Urgjencës “Pirogov” për trajtim.

Dy persona u liruan të shtunën - një vajzë 17-vjeçare dhe një burrë 49-vjeçar dhe aktualisht janë duke u trajtuar në Shkup.

Ndërkaq, Ministri i Jashtëm maqedonas Bujar Osmani tha se pret që kufomat e të vdekurve të dorëzohen deri në fund të javës.