Në lidhje me tensionin midis Ukrainës dhe Rusisë, Kirill Petkov tha para gazetarëve në parlament: “Ne besojmë në integritetin e Ukrainës. Çdo shtet, në këtë rast Rusia, nëse hyn në territorin e huaj me tanke, është shkelje e së drejtës ndërkombëtare”.
Më shumë se 100 automjete të reja ushtarake dhe dhjetëra tenda ndodhen në pjesën jugore të Bjellorusisë, pranë kufirit me Ukrainën. Këtë e tregojnë pamjet satelitore të një kompanie teknologjike amerikane, të cilat zbulojnë se në pjesën perëndimore të Rusisë, sërish afër kufirit me Ukrainën, u shfaq një spital fushor dhe mjete transporti të armëve të rënda. Nga ana e saj, Hungaria filloi forcimin e kufirit me Ukrainën me njësi ushtarake që do të kryejnë detyra humanitare dhe do të parandalojnë depërtimin e “grupeve të armatosura”. Polonia dhe Rumania kanë shprehur gatishmërinë për të pranuar një fluks refugjatësh në rast përshkallëzimi të një krize.Ndërkohë, Sekretari Amerikan i Shtetit, Antoni Blinken, njoftoi se po anulon takimin e planifikuar për 24 shkurt me diplomatin e parë rus Sergej Llavrov me arsyetimin se pushtimi rus tashmë ka filluar, gjë që përjashton mundësinë për diplomaci. Një takim mes presidentëve Biden dhe Putin nuk planifikohet për shkak të përshkallëzimit të konfliktit, por Blinken theksoi se përpjekjet diplomatike të Shteteve të Bashkuara dhe aleatëve dhe partnerëve të tyre do të vazhdojnë.
Deklarata e Sekretarit të Shtetit erdhi pas një takimi me Ministrin e Jashtëm ukrainas Dmitro Kuleba, i cili e informoi atë se Kievi nuk po planifikon të evakuojë qytetet kryesore në këtë moment dhe nuk ka ndërmend të kërkojë vendosjen e ushtarëve amerikanë për të zgjidhur krizën. Sipas Kuleba, sanksionet e vendosura nga Shtetet e Bashkuara ndaj Rusisë duken mjaft të forta si hap i parë. Intervista e tij me “Fox News” zbuloi se ai ka garanci nga Uashingtoni për të siguruar më shumë armë për vendin e tij.
Të shtunën temperaturat minimale do të jenë nga 9 deri në 14°, në Sofje – rreth 9°. Në mëngjes do të ketë mjegull dhe shikueshmëri të dobësuar mbi ultësirat dhe fushat në Bullgarinë Perëndimore. Gjatë ditës do të ketë vranësira të..
Pres që në Sofje parlamentarët nga shtetet anëtare të Asamblesë Parlamentare të Bashkëpunimit Ekonomik të Detit të Zi (PABSEC) të marrin vendime largpamëse, me të cilat do të mbështesin bashkëpunimin dhe zhvillimin e vendeve të rajonit të Detit të Zi...
Ministria e Inovacionit dhe Rritjes do të investojë gati 115 milionë euro në vitin 2026 në një infrastrukturë kombëtare për komunikime të sigurta satelitore dhe në projekte të përbashkëta midis biznesit dhe rretheve akademike. Fondet do të shpërndahen..
Gjatë 10 viteve të fundit numri i studentëve të huaj në vend u rrit mbi dy herë. Në vitin 2013 ata përbënin rreth 4 për qind, ndërsa në vitin 2025 arrijnë..
Të pastrehët në Sofje janë më pak të dukshëm se në qytetet e mëdha evropiane. Këtë e tregojnë të dhënat e publikuara të një studimi ndërkombëtar që..
Bullgaria përshëndet përpjekjet e vazhdueshme të SHBA-së dhe presidentit Donald Trump për ndalimin e zjarrit dhe vendosjen e një paqeje të drejtë dhe..
Pjesërisht me re
Mot i kthjellët