Presidenti i Rusisë Vlladimir Putin është gati të dërgojë në Minsk një delegacion për bisedime me Ukrainën. Këtë e deklaroi zëdhënësi i Kremlinit Dmitrij Peskov. Ai saktësoi, se Presidenti i Bjellorusisë Aleksandër Llukashenko e siguroi Putinin, se Minsk është gati të krijojë të gjitha kushtet e domosdoshme për bisedime midis Rusisë dhe Ukrainës. Pak më herët Presidenti ukrainas Vollodimir Zelenskij shprehu gatishmëri të diskutojë me Moskën statusin neutral të vendit të tij duke kërkuar garanci sigurie.

• Ukraina është gati për negociata por do të mbrojë Kievin
  

Dmitrij Peskov saktësoi, se në delegacionin rus do të përfshihen përfaqësues të ministrive të mbrojtjes dhe të punëve të jashtme, si dhe të administratës presidenciale. Ai kujtoi qëndrimin e Presidentit Putin se qëllimi i operacionit ishte ”çmilitarizimi” dhe “denazifikimi” i Ukrainës. Sipas Peskov, kjo është një pjesë integrale e statusit neutral, njoftoi korrespondenti i BNR në Moskë Angell Grigorov. Lajmi nga Kremlini erdhi pas një bisede telefonike midis Presidentit Vlladimir Putin dhe udhëheqësit kinez Si Czinpin. Ai tha se pala kineze është për respektimin e sovranitetit dhe integritetit territorial të të gjitha vendeve dhe për respektimin e Statutit të OKB-së.