Në fillim të Kreshmës së Madhe, e ashtuquajtura Dyzeta e Shenjtë, Patriarku bullgar Neofit u bëri thirrje ortodoksëve në Bullgari që të ndihmojnë ata që kanë nevojë për shkak të luftës vëllavrasëse në Ukrainë. Në fjalën e tij, Patriarku Neofit theksoi se Kisha e Shenjtë “nuk shfajëson dhe nuk mund të shfajësojë në asnjë formë dhe për asnjë arsye heqjen me forcë të jetës njerëzore, sepse Zoti është Ai që jep jetë. Sipas patriarkut bullgar, Kisha është gjithmonë në anën e së vërtetës dhe drejtësisë dhe për këtë arsye në këto ditë të vështira besimtarët janë thirrur të intensifikojnë lutjet e tyre për përfundimin e luftës dhe kthimin e popullit ukrainas në ekzistencën e tij paqësore.