Qeveria duhet të përgjigjet pse vetëm për Bullgarinë dhe Poloninë ndërpriten furnizimet e gazit, nëse pezullohen ato për Austrinë dhe Gjermaninë, si paguajnë dhe si garantojnë sigurinë e tyre energjetike. Kështu iu përgjigj Presidenti Rumen Radev pyetjes së një gazetari lidhur me ndërprerjen e furnizimit me gaz natyror nga” Gazprom Export”. Sipas tij, qeveria duhet t’u japë një përgjigje të prerë qytetarëve, interesave të të cilëve u shërben. “Është koha e fundit që qeveria të japë prova të qarta se është në dijeni dhe mbështet sovranitetin e Bullgarisë”, tha Radev.

• Bullgaria nuk do të zhvillojë bisedime nën presion me Gazprom
  

Më 28 prill, Ministri i Energjetikës Aleksandër Nikollov dhe Zëvendëskryeministri Asen Vasilev nisen për në Bruksel për të diskutuar situatën me pezullimin e furnizimeve me gaz.

BE-ja do të rrisë përkohësisht ndjeshëm blerjen e gazit rus përmes vendeve që janë të gatshme të paguajnë në rubla për të kompensuar pezullimin e furnizimeve për Poloninë dhe Bullgarinë. Në këtë mënyrë, të dy vendet do të mund të blejnë vëllime shtesë të gazit në tregun evropian, njoftoi TASS, duke cituar një burim të paidentifikuar nga Brukseli, duke saktësuar se kjo është një masë e përkohshme.