Ka pak vende në Evropë që prodhojnë më shumë drithë sesa konsumojnë dhe për fat të mirë Bullgaria është një prej tyre, tha për BNR Pllamen Abrovski, kryetar i komisionit parlamentar për bujqësinë. Mungesa e drithit është e mundur, por do të jetë jashtëzakonisht e vështirë të mbetemi pa bukë. Çështja është se me çfarë çmimi do të jetë, sepse vlera e grurit rritet në mënyrë drastike gjë që reflekton mbi çmimet e miellit dhe bukës. Shteti nuk ka blerë ende rezerva, duke ofruar çmime më të ulëta se ato të tregut, tha Abrovski, duke propozuar se mullixhinjtë dhe blegtorët të marrin kredi më të lira për të blerë grurë.

Eksportet e konsiderueshme të grurit bullgar në Greqi janë duke u realizuar tashmë, njoftoi korrespondentja e BNR në Greqi Katja Peeva.