Universiteti i Mjekësisë në Sofje dhe Universiteti Bujqësor në Plovdiv iu bashkuan konsorciumit nga nisma “Universitetet Evropiane”. Komisioni Evropian miratoi edhe 4 aleanca të tjera, dy prej të cilave përfshijnë institucionet bullgare të arsimit të lartë. Bashkë me to, tashmë 7 universitete bullgare janë partnerë të plotëvlefshëm në nismë.

Universiteti i Mjekësisë është pjesë e konsorciumit INGENIUM, i cili përfshin 9 shkolla të larta evropiane. Universiteti Agrar i Plovdivit iu bashkua UNIgreen, së bashku me 7 partnerë të tjerë.

Në rrjetin “Universitetet Evropiane” janë 44 konsorciume. Në to marrin pjesë 340 shkolla të larta nga 31 shtete. Bashkëpunimi i tyre pritet të rrisë nivelin e kërkimit shkencor dhe të lehtësojë mësimdhënien e aftësive integrale dhe njohurive komplekse. Secila prej konsorciumeve për 4 vjet do të marrë 14.4 milionë euro në kuadër të programit Erasmus+.