Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

G7 po kërkon mënyra për të frenuar çmimet e naftës së papërpunuar ruse

Foto: Reuters

G-7 po shqyrton mundësinë e kufizimit të çmimeve të naftës së papërpunuar ruse, të transportuar nga deti, në diapazonin 65-70 dollarë për fuçi, njoftoi BTA. Çështja u diskutua me përfaqësuesit e 27 vendeve të BE-së me idenë për të arritur një qëndrim të përbashkët. Opinionet në BE janë të ndara, disa vende kërkojnë çmime shumë më të ulëta dhe të tjera çmime më të larta. Qëllimi i diskutimeve është vendosja e një tavani për çmimin e naftës ruse të eksportuar nga deti, i cili do të hyjë në fuqi më 5 dhjetor. Vendimi është pjesë e sanksioneve që supozohet të kufizojnë të ardhurat e Rusisë nga eksportet e naftës në mënyrë që të ketë më pak para për të financuar veprimet e saj ushtarake në Ukrainë.

Ndërkohë, në një sërë rajonesh në Ukrainë, filloi rivendosja e furnizimit me energji elektrike, pasi tri nga katër termocentralet bërthamore që funksiononin në territorin e saj u shkëputën nga rrjeti elektrik. Në shumë vende, duke përfshirë kryeqytetin Kiev, puna e rimëkëmbjes është përqendruar në infrastrukturën kritike. Në zonën Zaporozhie, energjia elektrike u rivendos. Sipas Ministrisë së Energjetikës, përveç termocentraleve bërthamore, nga rrjeti u shkëputën edhe një pjesë e madhe e termocentraleve dhe hidrocentraleve, gjë që e ka rënduar edhe më shumë situatën. Pas sulmit me raketa ruse dje, 80 për qind e familjeve në Kiev nuk kanë ujë dhe energji elektrike, njofton BTA.

Rrjeti i transmetimeve televizive, rrjeti i energjisë elektrike dhe furnizimi me ujë janë të prekur. Autobusët e elektrifikuar nuk qarkullojnë për shkak të mungesës së energjisë dhe trenat e metrosë qarkullojnë në intervale më të mëdha. Gjithashtu ka një problem me internetin në të gjithë Ukrainën ndërsa në vendet ku ka lidhje operatorët celularë ankohen për mbingarkesë të kapacitetit. Energjia dhe uji pritet të rimëkëmbet brenda ditës.






Последвайте ни и в Google News Showcase, за да научите най-важното от деня!

Më shumë nga rubrika

FMN rekomandoi rritjen e sigurimeve dhe pensioneve në Bullgari

Në një analizë të sistemit të pensioneve në vend, Fondi Monetar Ndërkombëtar (FMN) rekomandon rritjen e pensioneve duke rritur kontributet e sigurimeve dhe heqjen e të ardhurave maksimale nga sigurimet, si dhe heqjen e pensionit maksimal. Pensionet në..

botuar më 24-07-02 9.06.PD

Parashikimi i motit për 2 korrikun

Ditën e martë do të mbajë mot me diell dhe i nxehtë në pjesën më të madhe të vendit. Pas mesditës dhe pasdite do të mbajë vranësira mbi Bullgarinë Perëndimore dhe Qendrore. Do të ketë reshje të shkurtra shiu, shtrëngata dhe breshër. Temperaturat..

botuar më 24-07-01 7.40.MD
Kirill Petkov

Nuk ka perspektivë për formimin e një kabineti

Pak para dorëzimit të mandatit, PP-DB konfirmoi sërish se refuzon mbështetjen. Në Facebook, bashkëkryetari i PP-DB Kirill Petkov vuri në dukje se koalicioni nuk do të mbështesë një qeveri GERB-DPS për të cilën ëndërron Peevski, sepse “reformat e..

botuar më 24-07-01 7.01.MD