Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Evropa përfshin në listën e zezë 200 individë dhe persona juridikë të rinj rusë

Foto: EPA/BGNES

Ministrat e jashtëm të vendeve të BE-së arritën një marrëveshje në parim për të vendosur sanksione ndaj afro 200 personave fizikë dhe juridikë rusë. Sanksionet do të prekin edhe mediat ruse, të cilat “helmojnë hapësirën publike me dezinformata të vazhdueshme”, sipas fjalëve të Josep Borel. Përfaqësuesi i lartë evropian për politikën e jashtme dhe sigurinë tha gjithashtu se është rënë dakord që buxheti i BE-së për mbështetjen ushtarake të Ukrainës të rritet me 2 miliardë euro dhe, nëse është e nevojshme, të plotësohet me 3.5 miliardë euro të tjera.

Paketa e nëntë e sanksioneve të BE-së vjen në mes të sulmeve ajrore ruse në vazhdim mbi sistemet e ngrohjes dhe furnizimit me ujë të Ukrainës në fillim të dimrit të ftohtë. Ai përfshin gjithashtu masa ekonomike - vendosjen e një embargoje për investimet në sektorin minerar rus, ndalimin e shitjes së teknologjive me përdorim të dyfishtë për 169 kompani ruse, ngrirjen e aseteve të Bankës së Kreditit të Moskës dhe Bankës “Dalnjevostoçnij”.

Ndërkohë, presidenti Vollodimir Zelenski u bëri thirrje udhëheqësve të vendeve të G7 që t'i sigurojnë Ukrainës 2 miliardë metra kub gaz natyror, si dhe tanke moderne, raketa me rreze të gjatë veprimi dhe instalime artilerie.

Shtetet e Bashkuara dërguan pajisje energjetike me vlerë 13 milionë dollarë në Ukrainë për të ndihmuar në rindërtimin e infrastrukturës energjetike të vendit.

Rusia tashmë po përdor predha dhe raketa të prodhuara 40 vjet më parë, sepse shteroi rezervat e saj të municioneve, thonë nëpunësit e inteligjencës ushtarake amerikane.




Последвайте ни и в Google News Showcase, за да научите най-важното от деня!

Më shumë nga rubrika

Gati 60% e të punësuarve në Bullgari marrin paga nën nivelin e shpenzimeve jetike

Të ardhurat e nevojshme mujore për të mbajtur një person të punësuar, që jeton vetëm, në shtator 2025 ishin 1547 leva (748 euro). Për një familje me tre anëtarë dhe një fëmijë deri në 14 vjeç nevojiten 2785 leva (1346 euro). Këto të dhëna i bëri të..

botuar më 25-10-29 1.35.MD

I kujtojnë Këshillit për Mediat Elektronike se komunizmi në Bullgari është shpallur me ligj si kriminal

Prof. Vili Lilkov dhe avokati Petër Sllavov paralajmëruan Këshillin për Mediat Elektronike për transmetimin e paligjshëm të filmit me seri të vitit 1969 “Në çdo kilometër”, raporton faqja e Shoqatës së Gazetarëve Bullgarë (sbj-bg.eu). Në një letër..

botuar më 25-10-29 12.19.MD

Presidenti bullgar shprehu mbështetjen e Bullgarisë për integrimin evropian të Kosovës

Përpjekja e palëkundur e Republikës së Kosovës për formimin e institucioneve të qëndrueshme dhe për thellimin e bashkëpunimit rajonal është në interes si të vendeve të Evropës Juglindore, ashtu edhe të Bashkimit Evropian, dhe meriton vlerësim e..

botuar më 25-10-29 11.51.PD