Po krijohet një mekanizëm për kërkimin e përgjegjësisë penale të Prokurorit të Përgjithshëm. Në një konferencë në Këshillin e Ministrave, ministri i drejtësisë nga qeveria e përkohshme Krum Zarkov bëri të ditur se ky mekanizëm parashikon që një gjyqtar penal nga Gjykata e Lartë e Kasacionit, nga Gjykata e Apelit, apo Gjykata e Qarkut, por me gradën gjyqtari i Gjykatës së Lartë të Kasacionit, që të udhëheqë një hetim kundër Prokurorit të Përgjithshëm, ose zëvendësit të tij kur është e nevojshme. Ky prokuror ad hoc (i posaçëm) do të emërohet prokuror në Prokurorinë e Lartë të Kasacionit dhe do të caktohet sipas parimit të rastësishëm. Sipas Zarkovit, është duke u vendosur edhe kontrolli i brendshëm prokurorial mbi veprimet e këtij prokurori special, të cilin kontroll do ta kryejë një tjetër gjyqtar penal nga Gjykata Supreme.