Kryeqyteti bullgar është në vendin e tretë në kontinentin e vjetër për sa u përket mundësive për turizmin luksoz Wellness, menjëherë pas Barcelonës dhe Cyrihut, sipas një studimi të kompanisë "OVO Network", e cila operon një portal online për marrjen me qira të pasurive të paluajtshme.
Renditja merr parasysh praninë e restoranteve me yje Michelin, hoteleve me 5 yje dhe qendrave luksoze spa, në raport me numrin e turistëve që i vizitojnë, si dhe nivelin e "sigurisë dhe luksit" në qytete, të përcaktuara si destinacionet më të njohura turistike. Mbi këtë bazë janë përzgjedhur destinacionet më elitare të pushimeve për vitin 2023.
Të dhënat e hulumtimit tregojnë se Sofja ka 83 spa qendra me 4 yje ose më shumë, që do të thotë se për 1 milion turistë ka 60 spa qendra luksoze. Sipas autorëve të studimit, kjo është dy herë më shumë se është niveli mesatar për qytetet e përfshira.
Sofja është gjithashtu një nga destinacionet më të dëshirueshme për një qëndrim luksoz. Kryeqyteti bullgar zë vendin e 10-të në renditjen e motorit të kërkimit online "Google" për një destinacion që lidhet me nocionin “luks”. Gjithashtu, sipas sondazhit, në Sofje ka 12 hotele në kategorinë "5 yje".
Përpiloi: Veneta Nikollova
Përgatiti në shqip: Vesella Mançeva
Paketat all inclusive në kompleksin turistik Sllënçev Brjag po bien ndjeshëm me 30 deri në 50%. Kompleksi ka raportuar një rritje prej 6 deri në 8 për qind të turistëve këtë sezon. Sipas kryetares së Shoqatës së Biznesit Turistik në Bullgari..
Nëse ju jepet rasti, mos e lini pa vizituar këtë vend mistik në Rodopet Perëndimore, në rrugën nga Goce Dellçev në drejtim të qyteteve Satovça dhe Dospat, i njohur me emrin "Gradishte" . Më pak se dy kilometra pas fshatit Dollno Drjanovo, në..
Duke ndjekur hapat e Alekos dhe ekspeditës së tij legjendare deri në Çerni Vrëh – kështu qindra dashamirës të malit do të festojnë 130 vjetorin e ekskursionit të parë të organizuar turistik në vendin tonë. Festimet jubilare filluan me një program në..
Pjesërisht me re
Mot i kthjellët