Krijuesi i ri Konstantin Kovaçev tregon se si është të debutosh në skenën muzikore me “Rolin kryesor”. Kështu titullohet kënga e tij e parë prej autori, të cilën 25-vjeçari Konstantin e incizoi kohët e fundit.

Interesat e tij janë të larmishme - u diplomua në Shkollën e Mesme Matematikore të Sofjes, më pas studioi psikologji në Skoci për tre vjet dhe aktualisht punon në sektorin e IT. Megjithatë, muzika luante gjithmonë një rol të madh në jetën e tij - filloi me grupin e tij shkollor “Hërs”, luajti në skena të klubeve të Sofjes dhe në pesë vitet e fundit krijoi mbi 350 këngë. “Roli kryesor” është kënga e parë me të cilën ai zgjedh të prezantohet publikisht. Konstantin Kovaçev tregon për të:

“Në “ Rolin kryesor” këndoj se si personazhi lirik nuk e gjen dot vendin e tij në jetë. Fillimisht fajëson yjet (edhe pse me shaka) por shpejt e kupton se ai vet nuk mori një mushama për shiun që binte mbi të. Në fund të këngës përdoret edhe shumës, ndoshta si komenti im për gjendjen tonë në Bullgari. Epo, gjithsesi me një zgjidhje të sugjeruar - të marrim përgjegjësinë vetë.”