Në një bisedë telefonike kryeministri në detyrë Gëllëb Donev diskutoi me kolegun e tij maqedonas Dimitër Kovaçevski për nevojën e festimit paqësor dhe pa probleme të 151 vjetorit të lindjes së revolucionarit bullgar Goce Dellçev më 4 shkurt. Lidhur me këtë të hënën ministri i punëve të brendshme Ivan Demerxhiev dhe kryetari i Agjencisë Shtetërore për Sigurinë Kombëtare Pllamen Tonçev do të takohen me kolegët e tyre në Shkup për të përcaktuar veprimet e përbashkëta. Dy kryeministrat diskutuan edhe përfitimet e bashkëpunimit më të thellë në fushën e sigurisë, veçanërisht në rastet e veprave kriminale dhe kërcënimeve ndaj qytetarëve me vetëdije bullgare. Gëllëb Donev kujtoi pritshmërinë e vendit tonë që Maqedonia e Veriut të ndërmarrë veprime për t’i dhënë fund gjuhës së urrejtjes dhe krimeve, si dhe për respektimin e të drejtave të bullgarëve maqedonas.

• Ambasadori bullgar nuk do të kthehet së shpejti në Shkup