Prokuroria në Ohër ngriti një akuzë kundër sulmuesit të 21-vjeçarit Hristijan Pendikov, sekretar i shoqatës lokale bullgare, i cili u rrah më 19 janar, njoftoi BGNES.

• Sulmuan dhe rrahën sekretarin e klubit kulturor bullgar në Ohër

Në aktakuzë theksohet se sulmi u krye nga urrejtja kombëtare dhe etnike dhe sulmuesi akuzohet për lëndim të rëndë trupor. Pas rrahjes, Pendikov, i cili shpreh hapur etninë e tij bullgare, u transferua me avion për kurim në Sofje në Akademinë Ushtarake e Mjekësisë, ku iu nënshtrua një operacioni.

• Politikanët kërkojnë që BE të mbrojë të drejtat e bullgarëve në Republikën e Maqedonisë së Veriut

Ndërkaq, zëvendëskryeministri dhe ministër i punëve të brendshme Ivan Demerxhiev u takua me Pendikovin dhe premtoi se do t’i sigurohet mbrojtja. Ministri tha se do të vazhdojë të monitorojë nga afër rastin e sulmit kundër tij. Gjatë vizitës së tij të fundit në Shkup, Demerxhiev kërkoi nga ministri i punëve të brendshme të Republikës së Maqedonisë së Veriut, Olivier Spasovski, informacion për të gjitha detajet në lidhje me ecurinë e hetimit. Ministri bullgar paraqiti edhe të gjitha të dhënat për kërcënimet që Pendikov mori pas mbërritjes së tij në Sofje.

• Autoritetet në Maqedoninë e Veriut duhet të dëshmojnë se po luftojnë aktivisht kundër fushatës antibullgare
• Prokuroria do të hetojë një kërcënim për vrasje ndaj Hristijan Pendikov