Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgarët preferojnë të udhëtojnë, por të jetojnë në atdheun e tyre

Foto: arkiv

36% e njerëzve në botë do të emigronin menjëherë nëse u jepej mundësia. Bëhet fjalë kryesisht për të rinj nën 34 vjeç, në një situatë të vështirë ekonomike dhe me mundësi të kufizuara për udhëtim falas. Këto janë rezultatet e një sondazhi ndërkombëtar të opinionit publik të kryer nga asociacioni “Gallup International” në 57 vende të botës në periudhën gusht-tetor 2022. Është kurioze që prosperiteti ekonomik i vendit të caktuar, dhe jo mirëqenia personale, ka ndikim më të madh në dëshirën për të emigruar të të pyeturve. 62% e të anketuarve në vendet me të ardhura më të ulëta kanë dëshirë të emigrojnë. Në vendet e qëndrueshme ekonomike, përqindja është vetëm 32.

Rezultatet tregojnë se “identiteti kulturor i fortë është faktori më i fuqishëm” për të qëndruar në atdhe, komentoi sociologu Kënço Stojçev.

Ku jemi ne?

Vetëm një e katërta e bullgarëve të anketuar deklarojnë një dëshirë të qartë për të emigruar. 67 për qind përgjigjen se preferojnë të qëndrojnë në vendlindje dhe 8 për qind nuk mund të vendosin. Ky rezultat na rendit më pranë vendeve si Spanja (27% që janë gati për të emigruar), Holanda (29%), Suedia (23%) dhe Austria (23%). Për krahasim, dëshira për migrim tek fqinjët tanë është dukshëm më e lartë - në Greqi përqindja është 40%, në Rumani - 38%, dhe në Maqedoninë e Veriut - 42%.

Këto rezultate konfirmojnë ndryshimin e qëndrimeve të migracionit në Bullgari në vitet e fundit, përkatësisht - dëshirën për lëvizshmëri, udhëtime jashtë vendit për qëllime arsimimi, zhvillimi, kualifikimi dhe jo aq migrimi si një vendim i rëndësishëm për jetën. Jeta jashtë vendit vazhdon të jetë tërheqëse për bullgarët, por kur ajo kufizohet me afate konkrete kohore.

Përpiloi: Vesella Krësteva

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Në dyqanin bullgar në lagjen Schaerbeek të Brukselit

Në lagjen  Schaerbeek të Brukselit, në një nga rrugët më të frekuentuara, hasëm një dyqan vetëm me produkte bullgare – lutenica , kos , djathë , sallame , bozë , banica tradicionale bullgare dhe shumë të tjera. Pronari,..

botuar më 25-08-05 7.10.PD

Manastiri i Rilës pret 200 pelegrinë që ndjekin rrugën “Mrekullibërësi i Rilës”

Më 5 gusht pritet të mbërrijnë në Manastirin e Rilës 200 persona që u përfshinë në pelegrinazhin “Mrekullibërësi i Rilës”. Ky pelegrinazh është pjesë e rrugëve të krishtera të pelegrinazhit, të bashkuara nga nisma “Në rrugën e besimit”...

botuar më 25-08-05 5.25.PD
Shkaba egjiptiane

Një shkabë egjiptiane është helmuar pranë Krumovgradit

Një shkabë egjiptiane e ngordhur është gjetur pranë fshatit Hrastovo, në afërsi të qytetit Krumovgrad, njoftoi zyra e shtypit e Drejtorisë Rajonale të MPB në Kërxhali. Nga shpendi, i cili është një specie e mbrojtur, janë marrë mostra për analizë...

botuar më 25-08-04 6.48.MD