Sanksionet e reja sipas ligjit “Magnitski” janë një sinjal për deklaratën e presidentit Rumen Radev se Bullgaria nuk do të pranonte sanksione evropiane kundër Rusisë në fushën e energjisë bërthamore, komentoi për BNR ish-ministrja e jashtme Nadezhda Nejnski. Ajo shtoi se siguria e NATO-së dhe BE-së lidhet drejtpërdrejt me atë që po ndodh në vendin tonë, por me një reagim të tillë vendi ynë bëhet një partner jo i besueshëm. “Nuk është sekret se korrupsioni më i madh në vendin tonë është në energjetikën bërthamore, e cila është e lidhur me Rusinë”, tha Nejnski. Sipas saj, mjetet e korrupsionit janë arma më e fortë e Rusisë për destabilizimin e Bullgarisë dhe Ballkanit. “Vendi ynë ka një problem sistematik me korrupsionin, i cili ka deformuar mënyrën e funksionimit të institucioneve tona”, përfundoi ajo.

• SHBA-ja shtoi bullgarë të rinj të sanksionuar në listë sipas Ligjit “Magnitsky”