Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ukraina godet zonat kufitare ruse

Foto: arkiv

Një vajzë 12-vjeçare u vra nga artileria ukrainase në rajonin kufitar rus të Belgorodit, njoftoi BTA. Agjencia citon DPA dhe mediatë pavarura, sipas të cilave disa shtëpi dhe makina u dëmtuan nga granatimet. Gjithashtu u prekën disa vende në zonë, ka linja elektrike të dëmtuara. Autoritetet në rajonet kufitare të Rusisë, duke përfshirë Kursk dhe Brjansk, ankohen vazhdimisht për granatimet nga pala ukrainase gjatë vitit të kaluar, duke fajësuar Kievin për shumë viktima, lëndime dhe ndërtesa të shkatërruara. Lidhur me këtë, Rusia e kërcënonte vazhdimisht Ukrainën se do të synojë qendrat e komandës në kryeqytetin e saj nëse granatimet e territorit të saj vazhdojnë. Në të njëjtën kohë, përparimi i forcave ruse në Bahmut vazhdon. Lidhur me këtë presidenti ukrainas deklaroi se forcat ukrainase do ta mbrojnë qytetin, por jo me çdo kusht.

Në aspekt ndërkombëtar, lufta në Ukrainë është tema kryesore e Këshillit të Punëve të Jashtme sot, më 20 shkurt, në Bruksel. Në takimin ku do të marrë pjesë edhe ministri i jashtëm ukrainas Dmitro Kuleba, vendet anëtare do të shqyrtojnë propozimin e Estonisë për blerjen e përbashkët të municioneve për Ukrainën. Gjatë forumit, ministrat e jashtëm pritet të diskutojnë paketën e dhjetë të sanksioneve kundër Rusisë, por ende nuk është e qartë nëse ajo do të përfshijë masa të reja kufizuese ndaj energjetikës ruse. Nëse arrihet një vendim i tillë, vendi ynë nuk do ta mbështesë atë dhe sipas të gjitha gjasave do të vendosë veton, siç theksoi presidenti Rumen Radev në Këshillin e fundit Evropian. Pas këshillit, u bë e qartë se Bullgaria dhe disa vende të tjera do të kërkojnë një derogim. Paketa e ardhshme evropiane e sanksioneve do të shpallet rreth 24 shkurtit, datës në të cilën para një viti filloi ofensiva ruse në Ukrainë.




Последвайте ни и в Google News Showcase, за да научите най-важното от деня!

Më shumë nga rubrika

Georgi Bahanov

Në rillogaritje ndryshohet barriera prej 4 për qind për hyrjen në parlament

Me 13 vota “pro” dhe 2 “kundër” – ato të Georgi Bahanov dhe Dimitër Dimitrov nga kuota GERB, Komisioni Qendror i Zgjedhjeve pranoi rillogaritjen e rezultateve zgjedhore të zgjedhjeve parlamentare të mbajtura në tetor 2024, të kërkuar nga Gjykata..

botuar më 25-03-12 5.31.MD

Nënpresidentja Jotova diskutoi për integrimin e komunitetit bullgar me nënkryetarin e bashkisë së Londrës

Gjatë vizitës së saj në Londër, nënpresidentja Ilijana Jotova u takua me nënkryetaren e bashkisë Joanne McCartney. Portofoli i McCartney përfshin politika për fëmijët dhe familjet. Në fokus të bisedës ishin vështirësitë me të cilat përballet..

botuar më 25-03-12 4.23.MD

Bullgaria është ndër vendet që do të ndërtojnë fabrika të reja evropiane të intelektit artificial

Ndërmarrja e përbashkët evropiane e teknologjive llogaritëse me prodhimtari të lartë EuroHPC zgjodhi gjashtë fabrika të reja evropiane të inteligjencës artificiale për të forcuar lidershipin e Evropës në inovacion dhe inteligjencës artificiale...

botuar më 25-03-12 2.59.MD