Në vitin 2023, Filarmonia e Plevenit feston 70 vjetorin e saj. Ajo e bën këtë me një sërë koncertesh, i pari prej të cilave, i drejtuar nga Borisllav Jocov, ia dha fillimin e ngjarjeve festive. Në fakt, ky program është një ngjarje, sepse përfshin tre vepra të reja, interesante dhe disi të pazakonta të Hristo Jocovit - një muzikant i famshëm xhaz, por me një arsim serioz klasik, profesor në Akademinë Kombëtare të Muzikës "Panço Vlladigerov", një person me autoritet të madh mes kolegëve të tij.
“Më 17 shkurt në Pleven u mbajt premiera e kësaj “aventure të madhe”, të cilën e ndërmorëm me Ljubomir Gjakovskin, drejtor i Filarmonisë së Plevenit – vë në dukje prof. Jocov. - Prezantuam për herë të parë veprat e mia, Koncertin për trumpet, trombon dhe orkestër me solistët Mihaill Josifov dhe Velisllav Stojanov dhe "Pikturat nga dy botë" - një koncert për marimba dhe orkestër kompozuar për Vasilena Serafimovën - një muzikante e shkëlqyer, aktualisht me karrierë të suksesshme në Evropë dhe botë.
Mezi e pres takimin me publikun më 21 shkurt në sallën "Bullgaria", shton Hristo Jocov.
Për Vasilena Serafimovën, pjesëmarrja në koncerte sjell emocion të veçantë – ato janë një rast për ta zëvendësuar për një kohë të shkurtër Parisin, ku ka jetuar dhe krijuar vitet e fundit, me vendlindjen e saj Pleven dhe për të luajtur me orkestrën me të cilën është rritur, sipas fjalëve të saj.
“Vepra kombinon muzikën klasike dhe improvizuese në një mënyrë delikate dhe interesante. Ka “momente të hapura” ku improvizojmë së bashku, frymëzojmë njëri-tjetrin dhe i bëjmë gjërat në moment. Ky është më tepër një koncert klasik, në të cilin ndihet ndikimi i folklorit bullgar dhe i muzikës ballkanike. Muzika në të dy koncertet është plot ngjyra, e gjallë, nuk përsëritet kurrë” – thotë Vasilena Serafimova.
Foto: plevenphil.com
Tre grupe të njohura evropiane do të jenë të ftuar specialë në Festivalin e 25-të të Muzikës Evropiane në Sofje. Festimet fillojnë më 12 mars dhe përfshijnë gjithsej 19 evente, të cilat do të mbahen në pranverë dhe vjeshtë. Programi i..
Me rastin e 25-vjetorit të grupit, DEEP ZONE Project u dhurojnë fansave të tyre një remix krejt të ri modern Afro House të këngës së tyre hit "Bullgarja". Dian Savov, i njohur si Dian Solo, thotë: "Ky remix i jep një jetë të re një prej..
“Më trego një përrallë” – titullohet kënga më e re e Miros, të cilën ai ua dhuron të gjithë bashkatdhetarëve të tij që janë larg Bullgarisë. "Kënga ka të bëjë me dashurinë dhe përkatësinë, të cilat koha dhe distanca nuk mund t'i ndryshojnë...
Violinisti Svetlin Rusev – një nga instrumentistët më të shquar për momentin në mbarë botën, një artist karizmatik me një inteligjencë për t’u admiruar,..
DEEP ZONE Project prezanton versionin e tyre të këngës së njohur të Milena Sllavova “E vërteta”, e cila shënoi muzikën bullgare në pragun e mijëvjeçarit..
Angell Djullgerov është kitarist, violinist, kompozitor, aranzhues dhe lider muzikor, i cili vitet e fundit ka punuar me yjet më të mëdhenj të muzikës..
Vranësira të dendura me shi
Vranësira