Bullgaria nuk e shfrytëzon plotësisht shtrirjen dhe mundësitë e saj gjeografike dhe kjo është kyçe për biznesin bullgar. Një mendim të tillë e shprehu presidenti Rumen Radev në takimin me përfaqësuesit e Asociacionit të Organizatave të Punëdhënësve Bullgarë. Sipas presidentit, vendi ynë duhet të hapet edhe më shumë ndaj vendeve të tjera fqinje, transmetoi BTA. “Konektiviteti i transportit në të gjitha aspektet, jo vetëm në energjetikë, konektiviteti real i transportit duhet të ketë një kapacitet shumë më të madh në mënyrë që vendi ynë të përfitojë nga pozita e tij gjeografike”, komentoi Radev. Ai njoftoi se vjen vizita e presidentit të Rumanisë, Klaus Johanis, në Bullgari dhe shprehu shpresën se do të fillojë ndërtimi i së paku edhe një ure tjetër, e tretë mbi lumin Danub.