Partia “Ka një popull të tillë” (ITN) nuk arriti  të mbledhë nënshkrime të mjaftueshme për të iniciuar një referendum për një republikë presidenciale. Këtë e njoftroi lideri i kësaj partie, Sllavi Trifonov. “Mblodhëm 145 193 nënshkrime nga qytetarët bullgarë – në Bullgari dhe në mbarë botën – për mbajtjen e një referendumi për thirrjen e Kuvendit të Madh Popullor, i cili të ndryshonte strukturën shtetërore të Republikës së Bullgarisë nga parlamentare në presidenciale. Këto nënshkrime janë të pamjaftueshme sipas ligjit aktual dhe tani një referendum i tillë nuk do të iniciohet”, shkroi Trifonov në Facebook. Për këtë është e nevojshme të mblidhen 400 000 nënshkrime. Sipas liderit të ITN-së, nevojiten ndryshime në legjislacion për referendumet me një numër më të vogël të nënshkrimeve të kërkuara, “sepse për mendimin tonë, demokracia e drejtpërdrejtë është shprehja dhe forma e vërtetë e demokracisë”.