Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Shën Gjergji - shenjtori që fiton dhe frymëzon me besimin e tij

Foto: arkiv

Pas festave të mrekullueshme pranverore të krishtera Dita e Llazarit, e Diela e Luleve dhe Ngjallja e Krishtit, është radha e ditës së Shën Gjergjit, kur kisha përkujton ditën e një prej martirëve të saj të parë. Gjergji i ri hyri në ushtri, ku u tregua një ushtar i mirë dhe shpejt u ngrit në hierarkinë ushtarake në rangun e strategut të perandorit Dioklecian. Në vitin 303 sundimtari nxori një dekret për të persekutuar të krishterët në të gjithë Perandorinë Romake dhe Gjergji u urdhërua të merrte pjesë në persekutime. Në vend që të zbatojë urdhrin, luftëtari trim tregon se është i krishterë dhe kritikon vendimin e perandorit. Shumë të rënda kanë qenë vuajtjet, në emër të besimit të krishterë, të cilat përjetoi Martiri i Madh Shën Gjergji, të cilat për të krishterët e sotëm janë të paimagjinuaeshme. Gjatë torturave, ai mbijetonte mrekullisht, gjë që bëri shumë njerëz të besonin në Krisht dhe të tjerë shpallën publikisht pa frikë se ishin të krishterë. Duke ndjekur shembullin e Shpëtimtarit që mundi vdekjen dhe vuajtjet, Shën Gjergji pranoi martirizimin në emër të Shpëtimit. Për të thyer besimin e tij, ata e bënë të ringjallte një të vdekur të varrosur prej kohësh dhe shenjtori arriti ta kthejë në jetë të vdekurin me lutjet e tij. Kur panë ringjalljen, të pranishmit besuan dhe iu drejtuan Zotit, por u vranë menjëherë, ndërsa Gjergji vazhdoi të bënte mrekulli dhe të ndriçonte njerëzit përreth tij me besimin e tij. Më në fund iu shfaq vetë Krishti dhe, duke e ngushëlluar, i vuri një kurorë në kokë, duke i premtuar se do të mbretëronte me të në Mbretërinë e Qiellit.

Thuhet se Shën Gjergji u vra më 23 prill. Kjo datë kremtohej nga Kisha Ortodokse në Bullgari deri në vitin 1916, por me ardhjen e kalendarit Gregorian, ajo u zhvendos në 6 maj.

Përgatiti në shqip: Kostandina Bello



Последвайте ни и в Google News Showcase, за да научите най-важното от деня!

Më shumë nga rubrika

110 vjet nga fluturimi provë i avionit të parë bullgar

Më 10 gusht 1915, avioni i parë bullgar u testua në Bozhurishte. Projektuesi i tij ishte shpikësi Asen Jordanov, emri i të cilit është pjesë e teksteve shkollore me të cilat trajnohen të gjithë pilotët dhe inxhinierët e ardhshëm edhe sot. Që..

botuar më 25-08-10 7.00.PD
Foto: Facebook /Sociedad Cultural Búlgara „Ivan Vazov“ de Berisso

Shoqata bullgare "Ivan Vazov" në Berisso feston 70 vjetorin e saj

Shoqata kulturore bullgare "Ivan Vazov" në qytetin argjentinas të Berisso-s, provinca e Buenos Aires, do të festojë 70 vjetorin e themelimit të saj me një festë më 16 gusht 2025. "Ky vit është shumë i rëndësishëm për ne, mbushen 70 vjet nga..

botuar më 25-08-10 5.00.PD

Forum i kushtuar 45-vjetorit të Rezervatit “Liqeni Atanasovsko” kërkon zgjidhje për ruajtjen e biodiversitetit në zonë

Biblioteka Rajonale “Pejo K. Javorov” në Burgas është mikpritëse e forumit me temë: “Burgasi – pikë ndërthurjeje e trashëgimisë industriale, ndjeshmërisë ekologjike dhe potencialit kulturor”, njoftojnë organizatorët nga ekipi i Fondacionit Bullgar për..

botuar më 25-08-07 4.03.MD