Radioja rajonale e Radios Kombëtare Bullgare në Kërxhali (Bullgari Jugore) sot, më 9 maj, feston 7 vjetorin e lindjes. Në Bullgari na pëlqen të themi se 7 vitet e para janë më të rëndësishmet - një person ndërgjegjësohet për veten dhe mëson rregullat themelore të lojës "Jeta". Kjo vlen plotësisht për anëtarin më të ri të familjes së radios publike në Bullgari.

Më 9 maj 2017, në orën 9:00, u transmetuan për herë të parë lajmet e para rajonale me prezantuese Stanisllava Georgieva në një frekuencë prej 90 MHz. Lindi Radio Kërxhali, e cila u vendos në tregun mediatik në Rodopet Lindore dhe arriti në zemrat e dhjetëra mijëra dëgjuesve.

Që në fillim një vend të veçantë në programin e saj kanë zënë transmetimet në gjuhën turke të përgatitura nga Redaksia e Gjuhës Turke e Radio Bullgarisë. Këto janë tre orë në ditë lajme dhe informacione aktuale për jetën në vendin tonë, të ndara në tre transmetime - në mëngjes nga ora 8:00 deri në 9:00, në mesditë - nga ora 13:00 deri në 14:00 dhe në mbrëmje - nga ora 20:00 deri në 21:00.