Me ratifikimin e Konventës së Stambollit, Parlamenti Evropian nuk e detyron vendin tonë të pranojë të gjitha klauzolat e dokumentit. Këtë e tha para gazetarëve eurodeputetja Elena Jonçeva dhe kujtoi se ka vendim të Gjykatës Kushtetuese dhe Bullgaria mund të pranojë vetëm pjesën për dhunën ndaj grave dhe vetëm atë që konsideron se është në përputhje me ligjet bullgare. “Nga ne varet se çfarë pjese të kësaj konvente do ta zbatojmë, sepse po e përsëris kjo nuk është rregullore, është direktivë”, theksoi Jonçeva.

Nga ana e tij, bashkëkryetari i Komisionit Iniciator për mbajtjen e referendumit për ndalimin e ideologjisë gjinore në shkolla, avokati Vlladimir Shejtanov, theksoi se lidhja e pjesshme e Bashkimit Evropian me Konventën e Stambollit shkel një parim imperativ të së drejtës komunitare të Bashkimit Evropian, përkatësisht identitetin kushtetues të shteteve anëtare. Sipas Shejtanov, Konventa e Stambollit, si një rregullator ligjor i plotë dhe i pandashëm, nuk korrespondon me veçoritë dhe traditat kulturore, shpirtërore dhe legjislative bullgare.

• BSP kërkon mbështetje për nënshkrimin e saj kundër Konventës së Stambollit