Gjithnjë e më shpesh, krijuesit bashkëkohorë u drejtohen këngëve të arta të muzikës bullgare për t’i transformuar ato në një mënyrë tjetër dhe për t’i paraqitur me një tingëllim të përditësuar. Ju ofrojmë një version të ri simfonik të këngës klasike “Një trëndafil bullgar”, e cila i solli këngëtares së paharrueshme Pasha Hristova çmimin “Orfeu i Artë” në vitin 1970.
Kjo këngë emblemë e Bullgarisë tani ngjitet në renditjen e Radios Kombëtare Bullgare (BNR) për muzikën bullgare pop dhe rok Top 20.
Një dëshmi e cilësive të këngës është se ndër vite ajo u përfshinte në repertorin e shumë yjeve muzikorë vendas dhe të huaj. Një formacion kolektiv nga projekti “Artistë që këndojnë” e incizoi versionin e ri. Ai është në aranzhim të muzikantit Georgi Miltijadov dhe u bë posaçërisht për koncertet e reja të formacionit në të cilin dëgjojmë zërat e këngëtarëve dhe aktorëve të preferuar të brezave të ndryshëm.
Në videon e këngës shihet edhe autori 95-vjeçar i tekstit, Najden Vëllçev. Muzikën e kompozoi Dimitër Vëllçev.
Redaktore: Diljana Traçeva
Përgatiti në shqip: Svetllana Dimitrova
Stefka Sëbotinova (1930–2010) është ndër muzikantet që i sollën famë botërore traditave folklorike bullgare. Ajo lindi në zemër të Trakisë, në një fshat me emrin e bukur – Rozov Klladenec ( Pusi i Trëndafiltë ), i cili sot nuk ekziston më. Ajo..
Të bësh ëndrrën tënde realitet në ritmin bullgar dhe në tokën franceze. Kështu mund ta fillojmë në mënyrë metaforike historinë e muzikantes dhe pedagoges Stefka Miteva dhe trios bullgaro-franceze "Orenda", në të cilën i bashkohen edhe Sandrine..
Ndër ngjarjet që Kori i Fëmijëve të Radios Kombëtare Bullgare, i dirigjuar nga Venecia Karamanova, po ia kushton 65-vjetorit të tij, është koncerti "FIESTA - gëzimi i të bërit muzikë". Më 23 tetor, në orën 19:30 në Sallën 3 të Pallatit Kombëtar..
Stefka Sëbotinova (1930–2010) është ndër muzikantet që i sollën famë botërore traditave folklorike bullgare. Ajo lindi në zemër të Trakisë, në një fshat..