Ekspozita e realizuar nga Agjencia Shtetërore “Arkivat” në partneritet me Arkivin Shkencor të Akademisë Bullgare të Shkencave dhe Agjencinë Telegrafike Bullgare (BTA) paraqet momente të rëndësishme nga historia 120-vjeçare e marrëdhënieve diplomatike bullgaro-amerikane. Ekspozita titullohet “Duke zbuluar Amerikën. 120 vjet marrëdhënie diplomatike mes Bullgarisë dhe SHBA-së” dhe është me ide të Drejtorisë “Amerika” në Ministrinë e Punëve të Jashtme.
“Kjo ekspozitë paraqet një panoramë më të gjerë të lidhjeve bilaterale kulturore, fetare dhe ekonomike mes dy popujve, edhe para vendosjes së marrëdhënieve zyrtare”, tha kryetari i Agjencisë Shtetërore të Arkivave, Doc. Mihaill Gruev. Në pjesën e parë të ekspozitës janë paraqitur misionet e ndryshme protestante amerikane në trojet bullgare, janë ilustruar edhe aktivitetet e shkollës më të vjetër amerikane jashtë SHBA-së – “Kolegji Robert” në Kostandinopojë, që trajnoi brezin e parë të intelektualëve dhe shtetarëve, të cilët u bënë ndërtuesit e Bullgarisë moderne. Është paraqitur “zbulimi” i Amerikës nga bullgarët, duke filluar nga Aleko Konstantinov me fejtonin “Nga Çikagoja dhe anasjelltas”, e duke kaluar në valën e emigrantëve bullgarë nga fillimi i shekullit të 20-të.
Theksi në ekspozitë vihet në vetë vendosjen e marrëdhënieve diplomatike mes dy vendeve në vitin 1903 dhe dinamikën e tyre në vitet e Luftës së Parë Botërore dhe pas saj, kur SHBA ishte e vetmja Fuqi e Madhe me qëndrim favorizues ndaj Bullgarisë në kuadrin e sistemit të Versajës. Një vend i veçantë u kushtohet fondacioneve amerikane që morën pjesë në rindërtimin e Bullgarisë pas Luftës së Parë Botërore. Nuk u anashkaluan as prishjet e marrëdhënieve dypalëshe, si shpallja e luftës nga Bullgaria ndaj SHBA-së në dhjetor 1941 dhe ndërprerja e marrëdhënieve diplomatike në vitin 1950.
Në fund të ekspozitës prezantohen marrëdhëniet midis Bullgarisë dhe SHBA-së pas Luftës së Dytë Botërore, vizitat dypalëshe në nivelin më të lartë dhe marrëveshjet dypalëshe të nënshkruara.
Përpiloi: Gergana Mançeva
Përgatiti në shqip: Vesella Mançeva
Foto: BTA
Pak persona e dinë se kjo është kafsha e parë autoktone bujqësore bullgare e njohur nga Komisioni për Racat e Kafshëve pranë Ministrisë së Bujqësisë, që prej vitit 2005. Emrin e ka marrë nga barinjtë nomadë – karakaçanët, të cilët udhëtonin me tufat e..
Gjatë verës së vitit 2024, një bashki e kryeqytetit dhe banorët e saj treguan se si në mënyrë të thjeshtë mund të jemi të lumtur dhe të bashkuar si një komunitet – të ulur në një tavolinë të përbashkët. Në korrik 2024, në rrugën "Ekzarh Josif", dhe në..
Nënpresidentja e Bullgarisë, Ilijana Jotova, ndodhet për vizitë në qytetin Taraklia, Moldavi, më 19 dhe 20 shtator. Sot, ajo është e ftuar zyrtare në ceremoninë solemne të ndarjes së çmimeve për fituesit e konkursit të esesë për nxënës dhe studentë..
Përmbytjet e radhës në bregdetin e Detit të Zi janë rezultat i ndërtimit të pakontrolluar, mjedisit natyror të shkatërruar dhe mosveprimit institucional,..