lustruesja bullgare Alja Markova u përfshi në listën e shkurtër të çmimeve ndërkombëtare për botimet e kuzhinës “Gourmand World Cookbook Awards”. Me “Librin e gatimit për fëmijët e mëdhenj”, ajo është ndër katër pjesëmarrësit më të mirë. Autorët e librave në listën e shkurtër u zgjodhën ndër pjesëmarrësit e 205 vendeve. Bullgarja merr pjesë në kategoritë “Ilustrim” dhe “Evropa Lindore”. Konkurrentët e saj janë piktorë nga Kili, Franca dhe Zelanda e Re.
Çmimet “Gourmand World Cookbook Awards” u themeluan nga francezi Eduard Koantro. Për herë të 29-të, ata do të shpërndahen në një ceremoni të veçantë, në Riad, gjatë Festivalit Saudit nga 27 deri më 29 nëntor.
“Libri i gatimit për fëmijët e mëdhenj” mbledh 14 receta në kategorinë “Të kripura” dhe po aq në kategorinë “Ëmbëlsira dhe mëngjese”, me udhëzime në formën komike.
“Ju mbani një libër të vogël gatimi për të hapur oreksin dhe imagjinatën. Dhe për të vënë në gjumë seriozitetin që ndonjëherë në mënyrë të padukshme zvarritet në kuzhinën e shumë prej nesh, adhuruesve të gjërave të shijshme. Me fjalë të tjera, ky është një libër për këdo që pëlqen të hajë, por nuk i pëlqen të jetë i komplikuar”, thotë autorja.
Alja Markova lindi në Bullgari, por u rrit në Spanjë. Ajo krijon blogun e saj të kuzhinës, në të cilin prezanton recetat e veta në vizatime dhe disa prej tyre gjetën vend në “Librin e gatimit për fëmijët e mëdhenj”. Që nga korriku Alja është pjesë e ekipit të redaksisë spanjolle të “Radio Bullgarisë”.
I urojmë suksese në raundin final të garës!
Para 27 vitesh, pasiguria në të cilën ndodhej vendi ynë, por edhe pasioni për ngjitje, e bëri bashkatdhetarin tonë, Konstantin Zllatev, të marrë çantën mbi supe dhe me rreth 3000 dollarë të niset drejt një ëndrre – të ngjisë ndonjë prej majave..
Në Ditën Ndërkombëtare të Gruas, ju prezantojmë me atë - një grua bullgare me një arsimim, aktivitet social dhe politik mbresëlënës, e cila ndërton jetën e saj midis Evropës dhe SHBA-së për 20 vitet e fundit, dhe vetëm një muaj më parë në Nju Jork ajo u..
Një hartë gjeografike ndihmoi në lindjen e Bullgarisë moderne gjatë Luftës Ruso-Turke të v. 1877-78 Austro-hungarezi Felix Kanitz (1829 – 1904) ishte i pari europianoperëndimor që vizitoi mbi 3200 fshatra dhe qytete bullgare. Përgjatë rrugëve dhe..
Para 27 vitesh, pasiguria në të cilën ndodhej vendi ynë, por edhe pasioni për ngjitje, e bëri bashkatdhetarin tonë, Konstantin Zllatev, të marrë çantën..