Të dhënat paraprake për realizimin e buxhetit tregojnë se deficiti do të jetë më i ulët se sa planifikohej, tha në Kuvendin Popullor ministri i financave Asen Vasilev. “Pres që deficiti të jetë 2.5%, jo 3%. Kështu do të mbeten 500 milionë euro, të cilat mund t'i përdorim për të mbështetur projektet komunale vitin e ardhshëm, gjë që hedh poshtë të gjithë skenarët e errët se shteti do të falimentojë", komentoi ministri. Sipas Vasilev, të dhënat tregojnë se kriteri i deficitit të kërkuar nga Eurozona është plotësisht e mbuluar këtë vit. Edhe buxheti i përcaktuar për vitin e ardhshëm është brenda kritereve të Mastrihtit. "E vetmja gjë që mbetet është kriteri për inflacionin", shpjegoi Vasilev. Ai shtoi se, në masë të madhe, inflacioni importohet në bazë të burimeve ushqimore dhe energjetike. Sipas Vasilev, në muajit qershor-korrik pritet që vendi të përmbushë edhe këtë kriter, sepse çmimet janë në rënie dhe do të mund të hyjë në Eurozonë.