Violinistja bullgare Allbena Danaillova është asistentja e parë e koncert-mjeshtrit Rainer Honeck në koncertin e Vitit të Ri të Filarmonisë së Vjenës më 1 janar 2024. Dirigjenti do të jetë Kristian Tileman.
Para se të fitonte famë, Allbena Danaillova luajti në Orkestrën e Operës së Bavarisë në Mënik, duke u ngjitur gradualisht nga violina e dytë në violinën e parë dhe më pas në koncert-mjeshtre. Që nga viti 2008 është pjesë e stafit të Filarmonisë së Vjenës ndërsa nga viti 2011 është një nga katër koncert-mjeshtërit e përhershëm. Rezulton se për herë të parë në historinë afro 180-vjeçare të orkestrës, ky post i jepet një gruaje. Jo rastësisht Allbena quhet “zonja e parë” e Filarmonisë së Vjenës.
Në një intervistë për Radio Bullgarinë pak kohë më parë, ajo foli për rrugën e saj të vështirë drejt suksesit. Sipas saj, hyrja më e ngadaltë e grave në orkestrën legjendare është për faktin se vjenezët i përmbahen rreptësishtë traditës. “Gjërat ndryshojnë më ngadalë atje disi. Vetë austriakët pëlqejnë të bëjnë shaka me këtë dhe thonë: “Nëse bota mbaron – ejani tek ne, se ndoshta do të vonojmë me nja tridhjetë vjet” – shpjegon Allbena.
Më shumë detaje për jetën dhe karrierën e një prej koncert-mjeshtërve të Filarmonisë së Vjenës - Allbena Danaillova, e cila do të jetë dora e djathtë e Rainer Honeck në spektaklin e Vitit të Ri të një prej orkestrave filarmonike më të njohura në botë, do të mësoni nga botimi "Allbena Danaillova: Ëndërroj për një botë pa kufizime dhe më shumë muzikë” nga koleksioni i Radio Bullgarisë.
Lexoni më shumë:
Përpilues: Veneta Nikollova
Përgatiti në shqip dhe publikoi: Svetllana Dimitrova
Foto: nytimes.com, wienerphilharmoniker.at
Dy aktorë të rinj - Alena Vergova dhe Bojan Todorov - prezantojnë këngën e tyre duet, të titulluar "Nata vdes vetëm". Kjo është gjithashtu kënga e parë nga albumi i ardhshëm debutues i Bojan, i cili na tregoi se si lindi ideja: "Po këndoja..
Një rikthim i shumëpritur është tani fakt - 19 vjet më vonë, D2, një nga grupet më të dashura të rokut, është rikthyer në formacionin e tij origjinal. Gjatë këtyre pothuajse dy dekadave, ideja e kthimit të Diço-s si frontman është diskutuar..
Ylli botëror i muzikës pop Robbie Williams do të takohet me fansat e tij në Bullgari për herë të dytë. Këtë herë koncerti do të jetë në kryeqytet, pasi këngëtari britanik këndoi në Burgas 10 vjet më parë. " Do të më gjeni në ndonjë..
Një rikthim i shumëpritur është tani fakt - 19 vjet më vonë, D2, një nga grupet më të dashura të rokut, është rikthyer në formacionin e tij..
Dy aktorë të rinj - Alena Vergova dhe Bojan Todorov - prezantojnë këngën e tyre duet, të titulluar "Nata vdes vetëm". Kjo është gjithashtu kënga e..