Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Kënga e re - surprizë për të ftuarit në koncertin e “Mary Boys Band”

Foto: FB / Mary Boys Band

Grupi muzikor “Mary Boys Band” feston ditëlindjen e 29-të me një koncert më 27 janar. Që nga krijimi i tij në 1995 në Sofje, formimi i pesëshes me solisten Maria Mutafçieva ka kaluar një rrugë të gjatë. Sot, pas koncerteve të shumta, paraqitjeve muzikore, takimeve me fansa, albumeve, çmimeve dhe përfshirjes së këngëve "Rrugët e panjohura", "Rruga e gjatë drejt shtëpisë" dhe "Luledielli" në librat mësimorë të muzikës, "Mary Boys Band" është një nga grupet më të suksesshme dhe më të dashura në Bullgari.

Programi i koncertit të së shtunës përbëhet nga këngë të zgjedhura nga fansat e “Mary Boys Band”, të cilët kanë votuar në internet për hitet e tyre të preferuara të grupit. Por muzikantët po mendojnë edhe për këngë të reja, na siguron vetë Meri, duke treguar gjithashtu se në koncert do të ketë një surprizë:


“E mira është që ne jemi një grup që punon dhe vërtetë kemi shumë angazhime këtë vit. Por do të lëmë kohë edhe për të krijuar muzikë sepse vitet e fundit kemi krijuar më pak këngë dhe shpresoj se për 30 vjetorin e “Mary Boys Band” vitin e ardhshëm do të ketë një album të ri. Tani, më 27 janar, në Sofia Live Club, njerëzit do të dëgjojnë një këngë të re - absolutisht si privilegj për ata që do të vijnë. Më vonë do ta regjistrojmë, por tani dua që të ketë një dhuratë live për të gjithë miqtë tanë. Kështu që i pres me padurim të gjithë - shihemi të shtunën dhe le të jetë një festë!"

Ndër këngët që do të luhen në këtë festë është edhe “Vetëm për ty” nga albumi me të njëjtin emër nga “Mary Boys Band”, i përhapur në tregun muzikor pikërisht 20 vite më parë.

Lexoni më tepër:
Foto: FB / Mary Boys Band

Përgatiti në shqip dhe publikoi: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Orkestra e Muzikës Popullore e Radios Kombëtare Bullgare hap sezonin e saj të 73-të krijues

Orkestra e Muzikës Popullore e Radios Kombëtare Bullgare do të hapë sezonin e saj të 73-të krijues me një koncert më 16 tetor në orën 19:00 në Studion e Parë të Radios. Ansambli, i dirigjuar nga maestro Dimitër Hristov , do të prezantojë vepra..

botuar më 25-10-15 5.55.PD
Kamelia Todorova

"Vetmia"

Kamelia Todorova - këngëtarja që vendosi standarde në muzikën bullgare xhaz dhe pop - prezanton projektin e saj të ri muzikor "Këngët e mia" më 14 tetor në orën 19:30 në Qendrën për Art Bashkëkohor "Topllocentralla" në Sofje. Eventi premton të jetë..

botuar më 25-10-14 6.05.PD

Papi Hans me një këngë të re të nxehtë latine – "Е pafajshme"

Papi Hans po ngroh vjeshtën e ftohtë me këngën e tij të re me ritme latine “E pafajshme”. Ajo vjen pas një serie baladash dhe është kënga e parë nga albumi i tij i ardhshëm, i cili do të quhet simbolikisht “Dielli”. Sipas këngëtarit, ky do të..

botuar më 25-10-13 6.00.PD