Në edicionin e 31-të të Panairit Tradicional Vjeshtor që fillon sot në Parkun e Qytetit të Razgradit, prodhues nga i gjithë vendi do të prezantojnë produktet e tyre. Me suvenire të punuar me dorë do të marrin pjesë edhe Qendra Ditore për të Rriturit me Aftësi të Kufizuara "Podaj Rëka" (Më jep një dorë) dhe Shoqata "Zhaneta". Mbrëmjet në skenën “Ronda” do të mbahen koncerte. Panairi do të vazhdojë deri më 17 shtator.

Nga gjysma e parë e shekullit të XX-të e deri më sot, Panairi i Vjeshtës në Razgrad është një traditë që ruan famën e qytetit si një vend takimi për tregtarët, artizanët dhe prodhuesit nga rajoni dhe vendi. Për herë të parë u mbajt nga 19 deri më 26 shtator 1921. Tradita u ndërpre në vitin 1950, por më vonë, në vitet 90- të shekullit të kaluar, ajo u rinovua.