Tregu i pasurive të paluajtshme në Bullgari “ngriu” në nivelet e vitit të kaluar. Sipas të dhënave të Shoqatës Kombëtare të Pasurive të Paluajtshme, të cituara nga BTA, përjashtim bëjnë qytetet e mëdha, ku ka një rritje të numrit të transaksioneve. Pritjet janë që deri në fund të vitit 2024, shitjet të jenë midis 215 000 dhe 216 000, si në 2023.
Për sa i përket çmimeve të banesave në vitin 2025, shoqata parashikon se trendi aktual i rritjes do të vazhdojë, me një rritje prej 10 ose pak më shumë se 10 për qind në bazë vjetore. Sipas Shoqatës Kombëtare të Pasurive të Paluajtshme, tregu i ngrirë është për shkak të pasigurisë rreth pranimit të vendit në Eurozonë. Pritet që të ketë rritje çmimesh pas hyrjes së Bullgarisë në Eurozonë, por nëse shtyhet, ka më shumë gjasa që tregu të mbetet në të njëjtat nivele. Tendenca e blerjes së pronave më të mëdha vazhdon, veçanërisht në Sofje, në zona të përshtatshme për familjet me fëmijë. Përreth institucioneve të arsimit të lartë dhe parqeve të biznesit, të rinjtë që punojnë dhe studiojnë në këto zona kërkojnë banesa më të vogla. Investitorët që kërkojnë të blejnë prona për të dhënë me qira gjithashtu preferojnë prona më të vogla në këto lagje.
Një projekt për riparimin e termocentralit të dytë më të madh në Kosovë fitoi Shoqatën Aksionare Bullgare “Bazë qendrore të riparimit energjetik” (CERB). Riparimi është në termocentralin “Kosova A” dhe është sipas planit të modernizimit të..
Në shtator filloi modernizimi i bazës prodhuese të kompanisë shtetërore të qumështit “El Bi Bulgaricum” në Vidin. Fillimisht, pritet të meremetohen frigoriferët në magazina dhe rrugicat që çojnë në ofiçina, si dhe parkingu përballë godinës, njoftoi..
Kompania bullgare për bare proteinash “Healthy Bars” ka në plan të ndërtojë një fabrikë të re në zonën e kryeqytetit “Vrëbnica”. Për këtë synim tashmë është njoftuar edhe inspektimi rajonal i mjedisit dhe ujërave, ndërsa kompania ka bërë të ditur..