Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bojko Borisov nuk do të negociojë me PP-DB, i këshilloi ata të kërkojnë një shumicë tjetër

Foto: BTA

Denica Saçeva nga GERB deklaroi në një konferencë se do të ketë negociata lidershipi për formimin e kabinetit ndërmjet GERB dhe “Po e vazhdojmë ndryshimin – Bullgaria Demokratike (PP-DB), vetëm nëse ato janë për formimin e shumicës qeverisëse dhe të një qeverie të rregullt.

Menjëherë më pas, kreu i GERB-it Bojko Borisov njoftoi se nuk do të ketë negociata të tilla. “Nuk parashikoj një takim. Kreu i PP-së tha se Borisov ka frikë nga një debat lidershipi dhe në të njëjtën fjali tha se nuk dëshiron të qeverisë me GERB-in. Ne nuk do të negociojmë. Ata duan që unë të ulem, ata gjithashtu të ulen, 10 njerëz, dhe të fillojnë të më marrin në pyetje. Për çfarë? Kush do të jetë kryeministër? Nuk më interesojnë më këto takime. Ata duhet të kërkojnë një shumicë tjetër," tha Borisov, duke qortuar PP-DB se dëshiron të negociojë me të, por nuk dëshiron që ai të jetë kryeministër. "Nëse ka një qeveri me një kryeministër tjetër, ajo do të “hahet” menjëherë”, paralajmëroi ai, cituar nga BGNES. Sipas fjalëve të Bojko Borisovit, nëse ai është kryeministër, Bullgaria mund të hyjë edhe në Eurozonë edhe në Shengen deri më 12 dhjetor.

Borisov gjithashtu theksoi se nëse Raja Nazarjan nga GERB zgjidhet kryetare e Parlamentit, vendimi i partisë është që ajo të mos pranojë të bëhet kryeministre në detyrë. Kujtojmë se sipas ndryshimeve të fundit në kushtetutë, një kryeministër në detyrë mund të zgjidhet nga një listë e kufizuar personash, përfshirë edhe kryetarin e Kuvendit Popullor.



Последвайте ни и в Google News Showcase, за да научите най-важното от деня!

Më shumë nga rubrika

Valdis Dombrovskis

Për shkak të reformave të ngadalësuara kundër korrupsionit, BE mund t’i ndërpresë fondet Bullgarisë

Teorikisht, është e mundur që Bullgaria të aplikojë edhe për pagesën e tretë nga Plani i Rimëkëmbjes dhe Qëndrueshmërisë deri në fund të vitit 2025, njoftoi në një intervistë për BNR komisioneri evropian për ekonominë, Valdis Dombrovskis. Ai tha se..

botuar më 25-11-03 12.01.MD

Mbi një e treta e shkelësve të shpejtësisë në rrugët e vendit janë të huaj

Brenda një muaji nga fillimi i kontrollit të shpejtësisë mesatare në 12 segmente rrugore të vendit, kamerat e Administratës Kombëtare të Tarifave Rrugore (TOL) kanë regjistruar 33 288 raste shkeljesh. Nga këto, 13 775 shkelës kanë pasur targa të..

botuar më 25-11-03 9.57.PD
shqiponjë egjiptiane

Fillon rikuperimi i popullatave të shpendëve të rrallë në tre parqe natyrore

Popullatat e shqiponjës së kryqëzuar, shqiponjës së zezë, shqiponjës ballëbardhë dhe shqiponjës egjiptiane në parqet natyrore “Vraçanski Ballkan”, “Gurët Blu” dhe “Bëllgarka”, do të mbështeten përmes projekteve të programit “Mjedisi 2021–2027”, njoftoi..

botuar më 25-11-02 11.05.PD