Pas takimit me homologun vietnamez Lëong Cëong në Hanoi, presidenti Rumen Radev theksoi se Bullgaria do të vazhdojë të mbështesë përpjekjet për thellimin e bashkëpunimit ndërmjet Bashkimit Evropian dhe Vietnamit, njoftoi e dërguara speciale e BNR në Vietnam Mira Stefanava. Sipas kreut të shtetit, për Bullgarinë Vietnami është një partner jashtëzakonisht i rëndësishëm në rajonin e Azisë Juglindore.

“Vizita ime zyrtare në prag të kremtimit të 75-vjetorit të vendosjes së marrëdhënieve diplomatike mes dy vendeve tona është shprehje e vendosmërisë sonë të përbashkët për t'i dhënë dinamikë të re marrëdhënieve tona dhe për t'i ngritur ato në nivelin e një partneriteti strategjik”, theksoi presidenti. Sipas Radevit, deklarata e përbashkët e miratuar mes dy vendeve është shprehje e vullnetit tonë të përbashkët politik për një fazë të re në marrëdhëniet tona.Të dy presidentët diskutuan edhe mundësitë për thellimin e bashkëpunimit ekonomik ndërmjet Sofjes dhe Hanoit. U caktuan edhe hapa konkretë në fusha me interes të ndërsjellë, me fokus kryesor investimet, energjetikën, teknologjitë informative, shkencën dhe arsimin, mbrojtjen, kulturën, sportin, bujqësinë, ekologjinë dhe shumë fusha të tjera, theksoi presidenti.