Me mbështetjen financiare të shtetit bullgar dhe në kuadër të një projekti të realizuar nga shoqata "Bullgarët në Shqipëri", fëmijëve nga Gora dhe Golloborda iu dorëzuan dhurata për festat e fundvitit. Në këto dy rajone jeton një pjesë e madhe e pakicës kombëtare bullgare në Shqipëri. Shpërndarja e dhuratave u bë në praninë e ambasadorit të Republikës së Bullgarisë, z. Ivajllo Kirov, dhe shefit të seksionit të diplomacisë publike pranë ambasadës, z. Asen Paçev.
Iniciativa këtë vit u mbështet nga bashkitë e Kukësit dhe Bulqizës, të cilat vlerësuan pozitivisht politikën e shtetit bullgar për trajtimin në mënyrë të barabartë të të gjithë fëmijëve – të gjithë nxënësit nga vendbanimet përkatëse morën dhurata, pavarësisht nëse prindërit e tyre konsiderojnë veten përfaqësues të minoritetit bullgar apo jo.
Dorëzimi i dhuratave në fshatin e Ostrenit të Madh (Golloborda) u zhvillua në praninë e Kryetares së Bashkisë së Bulqizës znj. Festime Mjesthri. Të dyja palët – ambasada dhe bashkia, për herë të radhës shprehën gatishmëri dhe angazhim të fortë për vazhdimin e bashkëpunimit dhe për realizimin e projekteve të reja të përbashkëta.
Ceremonia e shpërndarjes së dhuratave në rajonin e Gorës u zhvillua në oborrin e shkollës në fshatin Borje, i cili u inaugurua zyrtarisht pas rinovimit të tij me mjete të ofruara nga qeveria bullgare. I pranishëm ishte nënkryetari i Bashkisë së Kukësit, z. Agron Nuredinaj.
Në kuadër të projektit "Festat e fundvitit në mënyrë bullgare" ishin siguruar dhurata për 1400 fëmijë. Të gjithë nxënësit morën dhe ëmbëlsira të prodhuara nga kompania bullgare "Ditë dhe Natë". Produktet e kësaj kompanie çdo vit plotësojnë pakot e dhuratave dhe i kënaqin fëmijët.
Lexoni më tepër nga arkivi i Radio Bullgarisë:
Foto: Ambasada e Republikës së Bullgarisë në Shqipëri
Më shumë se 1000 njerëz janë përfshirë në fazën pilot të projektit “Gjenomi i Bullgarisë”, i cili synon të mbledhë dhe analizojë një mostër përfaqësuese të gjenomave të bullgarëve bashkëkohorë. Me iniciativën, vendi ynë do të kontribuojë në një projekt..
Prej më shumë se një jave historia e një familje blegtorësh që rritin raca vendase të deleve ka tërhequr vëmendjen e publikut në Bullgari, por edhe të bashkatdhetarëve tanë jashtë vendit. Dhe në vend që të ndiqte teatrin në parlament dhe luftërat për..
Kush thotë se bullgarët janë njerëz të vrenjtur dhe pesimistë? Shëtisni nëpër tregjet e Krishtlindjeve të Sofjes dhe do të mbeteni me një përshtypje krejtësisht të ndryshme. Mjaftojnë dekorimet festive, muzika, dëfrimet dhe tezgat e mbushura me ëmbëlsira..
Në rubrikën e tij të fundit digjitale "Ndërtesat tregojnë", Muzeu Historik Rajonal - Sofje paraqet historitë e ndërtesave emblematike në qendër të..
Kryetarja e Aleancës Progresive të Socialistëve dhe Demokratëve, Iratxe García Pérez, mori pjesë në një Samit me gazetarët e rrjetit kryesor evropian të..
Nënkalimi i Urës së Shqiponjave që lidh rrugën lokale e bulevardit "Carigradsko shose" me Parkun “Kopshti i Borisit” , u transformua plotësisht dhe u..
Vranësira të dendura
Vranësira
Vranësira
Pjesërisht me re