Dita e Shën Theodhorit është një festë e rëndësishme bullgare, e cila shënohet të shtunën pas të Dielës së të Lidhurve të Djathit. Kjo është një festë e lëvizshme dhe këtë vit bie më 8 Mars. Sipas besimeve popullore, Shën Theodhori luan një rol të rëndësishëm në zgjimin e natyrës për jetën e re. Sipas legjendës, në këtë ditë shenjtori hedh një kunj të ndezur në tokë për ta ngrohur atë. Pastaj ai hip kalin e tij të bardhë dhe shkon për t'i kërkuar Zotit për ta lutur atë që të fillojë vera e re dhe t'i mbrojë të korrat dhe pjellorinë.

• Dita e Shën Theodhorit

Sipas zakoneve popullore, ditën e Shën Theodhorit nderohen kuajt, prandaj festa njihet edhe si Pashka e Kuajve. Të gjithë kuajt zbukurohen me xhufka të bukura dhe me shumë lule. Kështu të stolisur pronarët i çojnë në garat festive të kuajve të organizuara posaçërisht – të quajtura bullgarisht “kushii”.

• Festa popullore kushtuar kuajve – një traditë e vazhdueshme

Dita e Shën Thodhori njihet edhe si dita e nuseve të reja, ose e Shtuna e Nuses, në të cilën gratë e martuara vitin e kaluar gatuajnë bukën në shtëpi. Tryeza festive Ditën e Shën Thodhorit është e pasur. Vendin qendror e zënë bukët rituale me tharm, të cilat u shpërndahen edhe kuajve. Duke qenë se Kreshma e Pashkëve tashmë ka filluar, në tryezën këtë ditë vihet një shumëllojshmëri e ushqimeve pa yndyrë, si thjerrëza, supë me kërpudha, bishtaja, speca të kuq të mbushur me fasule, lakër turshi me oriz etj.

• “Trimi Theodhor i vë potkonj kalit...”

Sot të gjithë ata që mbajnë emrin e shenjtorit – Todor, Todora, Theodhor, Theodhora etj. – festojnë ditën e emrit.

Gëzuar festën!

Përpiloi: Gergana Mançeva

Përgatiti në shqip dhe publikoi: Svetllana Dimitrova

Foto: BGNES