Ngjarje të ndryshme në të gjithë vendin zhvillohen orë para se të mirëpresim Ngjalljen e Krishtit.

Në Sofje, Fondacioni "Varet nga Ne" i fton fëmijët në një "Pikturim të Madh të Vezëve të Pashkëve" në Canjon Park në lagjen “Mlladost 3” me hyrje falas. Programi përfshin punëtori, vallëzime, lojëra sportive dhe shumë surpriza. Fëmijët dhe të rriturit do të lyejnë 1500 vezë dhe do t'i marrin në shtëpi.

Dhe "Muzeu i Aviacionit - Burgas" po organizon një aventurë festive për të rinj dhe të rritur me një program tematik me lojëra, punëtori krijuese dhe përvoja interaktive në mes të avionëve unikë. Vizitorët do të jenë në gjendje të ecin pranë aeroplanëve në ekspozitë, të lyejnë vezët e Pashkëve dhe të marrin pjesë në një program të veçantë shfaqjesh për fëmijë.

Në Plovdiv, në sheshin “Stefan Stambollov” përpara bashkisë organizohet një punëtori krijuese për Pashkët për fëmijë për vezë të lyer. Një koncert i titulluar "Mrekullitë e Pashkëve në Tokën e Talenteve" do të mbahet pak më vonë në shesh.

Në rajonin e qytetit Jamboll, tradita e lyerjes së vezëve të Pashkëve vetëm të Shtunën e Madhe, dhe jo të Enjten e Madhe, ruhet edhe sot e kësaj dite. Përgatitjet për trapezën në ditën e festës fillojnë gjithashtu, njoftoi korrespondentja e Radios Kombëtare Bullgare Daniella Kostova. Në mbrëmje, degët e lulëzuara të dardhave mblidhen dhe përdoren për të dekoruar portat e hyrjes së shtëpive.

Nga arkivi ynë mund të mësoni më shumë për ngjyrosjen e vezëve në Bullgari:

• Teknologjitë e vjetra të pikturimit të vezave janë të gjalla edhe sot e kësaj dite

• Vezët e pikturuara për Pashkët – trashëgimia jetëdhënëse e qytetit Velingrad

• Vezët e ngjyrosura për Pashkët

Foto: BGNES, Fondacioni "Varet nga Ne", Keti Trençeva