Anelija Hristova - një eksperte e certifikuar e verës dhe udhërrëfyese turistike, anëtare e Shoqatës Bullgare të Profesionistëve të Verës, i tha BTA për nevojën për të paraqitur dhe ekspozuar më shumë varietete vendase bullgare. Në këtë drejtim, një pjesë e rëndësishme e reklamimit të verërave bullgare është organizimi i eventeve që kanë të bëjnë me degusimin e verës, të kombinuara me pamje dhe eksperienca të ndryshme.
Në vendin tonë, përveç verërave të mira nga varietetet bullgare, bëhen edhe verëra shumë të mira nga varietete të nivelit botëror, si Cabernet Sauvignon dhe Merlot. Por AneliJa Hristova këmbëngul në theksimin dhe fokusin në varietetet tradicionale, lokale bullgare dhe simbioza më e mirë është ushqimi vendas me verën vendase, e krijuar nga një varietet vendas që rritet më së miri në këtë territor.
Anelija Hristova ka përpiluar edhe një hartë të turizmit të verërave, të cilën e pasuron çdo vit me kantinat lokale në Bullgarinë Verilindore. Të hapura për vizitorët e jashtëm, me dhoma degustimi dhe specialistë të dedikuar, ato mund të prezantojnë historinë e verës së tyre në një mënyrë të arritshme dhe interesante. Kështu Bullgaria gradualisht do të ndjekë rrugën e Francës, Italisë dhe Spanjës nga dekada më parë, është kategorike ekspertja e verërave. Një hap në këtë drejtim janë festat kushtuar varieteteve vendase të verës, si Dimiat, Misket, Pamid, Gamza. Një shembull i shkëlqyer është Dita e Mavrudit, të cilën Shoqata Bullgare e Profesionistëve të Verës do ta organizojë në tetor në Ruse. Anelija Hristova gjithashtu tregon për festivalin e ardhshëm dy-ditor "Vinofrenia" në fillim të majit, i cili do të mbledhë verëra nga 23 kantina bullgare në qytetin Ruse, të kombinuara me kuzhinën lokale, një atmosferë kulturore dhe muzikë të gjallë.
Lexoni më tepër nga arkivi ynë:
Foto: BTA
Përpiloi: Cvetana Tonçeva
Përgatiti në shqip dhe publikoi: Vesella Mançeva
Në prag të sezonit më aktiv veror, i cili tek ne zgjat jo më shumë se dy muaj – korrik dhe gusht – u konstatua se sektori është relativisht i qetë. Rezervimet janë të mira dhe parashikimet për një rritje prej 6% krahasuar me vitin e kaluar në kulmin e..
Bullgaria është vazhdimisht ndër destinacionet më të përballueshme në Evropë. Kjo është vënë re nga Times of India në një botim cituar nga Forbes Bulgaria për shtatë vendet më të lira evropiane që çdo udhëtar me një buxhet të kufizuar duhet të..
Burgasi , si një destinacion i arritshëm dhe tërheqës për turistët nga Turqia - ky është hapi tjetër për të tërhequr mysafirë nga fqinji ynë jugor në qytetin bregdetar dhe rajonin, njoftoi administrata komunale. Bullgaria është destinacioni..
Bullgaria është vazhdimisht ndër destinacionet më të përballueshme në Evropë. Kjo është vënë re nga Times of India në një botim cituar nga Forbes..
Në prag të sezonit më aktiv veror, i cili tek ne zgjat jo më shumë se dy muaj – korrik dhe gusht – u konstatua se sektori është relativisht i qetë...
Pjesërisht me re
Mot i kthjellët